一豐味瑞琪食堂

营业中

休息中

相信喺黄竹坑呢边返工嘅朋友都会有同感，餐厅嘅选择真系少之有少，而早餐选择就更加有限，一系就熟食中心，再唔系基本上都系得啲工厂大厦嘅食堂，附近嘅工厦嚟讲，唯独是一丰味唔同啲，餐厅门口喺正大街，同埋入面环境舒适，平时见都唔少人堂食，今朝搭巴士一落车就系一丰味，但时间又唔多，所以嚟外卖就算，一丰味最好就系朝早可以打电话嚟叫定，去到俾钱就可以即刻拎餐。工厦嚟讲，呢份早餐真系唔算平，猪扒面餐配两块火腿，加埋嘢饮咁就$42，一啲都唔算平，但佢哋啲猪扒真系几好食，如果晏昼嚟食葱油猪扒饭仲正。但今日啲面又发胀晒，明明平时都唔会咁，肯定又转咗面底，今日真系要扣返啲分。另外呢度冲嘅奶茶出奇咁滑，好少地方有佢哋咁好似，更遑论黄竹坑区啦。整体嚟讲，一丰味纯粹系方便，同埋服务都好，除咗收银个阿姐有时劳嘈啲，食物就睇你叫咩啦，但呢区嚟讲都算系咁，唯有继续食。