一豐味瑞琪食堂

营业中

休息中

工厦食堂，獨資經營也好，小集團經營也好，大集團經營也好，講嘅係貨真價實，童叟無欺。下圖是今天的早餐。38元(含一元外賣餐具費)。煎雙蛋熱，腸仔炸翻熱，多士兩面烤過(室溫但乾身)，牛油大面積覆蓋，咖啡係高溫嘅。有D貴。但係同一價位，我食過凍嘅蛋，用熱水淥過下嘅腸仔，仲有好似烤過，但仍然係白色嘅多士。見到我叫嘅，同嚟到嘅差唔幾。竟然有D感動。

相信喺黃竹坑呢邊返工嘅朋友都會有同感，餐廳嘅選擇真係少之有少，而早餐選擇就更加有限，一係就熟食中心，再唔係基本上都係得啲工廠大廈嘅食堂，附近嘅工廈嚟講，唯獨是一豐味唔同啲，餐廳門口喺正大街，同埋入面環境舒適，平時見都唔少人堂食，今朝搭巴士一落車就係一豐味，但時間又唔多，所以嚟外賣就算，一豐味最好就係朝早可以打電話嚟叫定，去到俾錢就可以即刻拎餐。工廈嚟講，呢份早餐真係唔算平，豬扒麵餐配兩塊火腿，加埋嘢飲咁就$42，一啲都唔算平，但佢哋啲豬扒真係幾好食，如果晏晝嚟食蔥油豬扒飯仲正。但今日啲麵又發脹曬，明明平時都唔會咁，肯定又轉咗麵底，今日真係要扣返啲分。另外呢度沖嘅奶茶出奇咁滑，好少地方有佢哋咁好似，更遑論黃竹坑區啦。整體嚟講，一豐味純粹係方便，同埋服務都好，除咗收銀個阿姐有時勞嘈啲，食物就睇你叫咩啦，但呢區嚟講都算係咁，唯有繼續食。