影片
更多
2020-01-22
336 浏览
今日晚上约了朋友放工食野，点知朋友放工放夜左，凌晨2点先出到黎，系唔知食咩既情况底下，就决定黎“元朗冰室”食野。虽然长沙湾个头附近又有串烧丫，点心丫，打冷舖咁，但朋友话好肚饿又想食鸡脾就黎左呢到喇。元朗冰室（厚猪扒专门店），睇间舖名就知佢主打食厚猪扒，所以佢系有个厚猪扒餐牌，主要都系猪扒再配一款食物咁（有辣肉酱，司华力肠，莲藕饼咁样）。而我当晚就点左佢个猫头鹰套餐（价钱较为平宜），同样都系厚猪扒配司华力肠饭，猫头鹰时段就$43，厚猪扒餐牌就$51。讲返猪扒方面，佢真系无呃你，够大块，而且真系都好厚下，货真价实，唔会好似出面有d店舖食既猪扒咁薄身，咬一两啖就无左，抵食。而我朋友就点左个辛辣面套餐，餐包括有辛辣面，蒜茸多士，配厚猪扒/炸鸡脾，跟一杯饮品，$47。我初时系到同朋友讲笑，公仔面我煮比你食都得啦，点知上菜后就发现其实呢个辛辣面套餐都好丰盛下，佢既辛辣面就真系平时食开果d辛辣面（韩国牌子，d面粗身d果只），但唯一特别既就系在于，配菜方面，佢餐跟块蒜茸多士 ，佢块多士唔系薄身果d黎，又系好厚既厚多士黎，另外岩先都有讲过厚猪扒好大块好厚，而佢个炸鸡脾都不输蚀，都系一样大大旧，见到呢个组
元朗冰室（厚猪扒专门店），睇间舖名就知佢主打食厚猪扒，所以佢系有个厚猪扒餐牌，主要都系猪扒再配一款食物咁（有辣肉酱，司华力肠，莲藕饼咁样）。而我当晚就点左佢个猫头鹰套餐（价钱较为平宜），同样都系厚猪扒配司华力肠饭，猫头鹰时段就$43，厚猪扒餐牌就$51。
讲返猪扒方面，佢真系无呃你，够大块，而且真系都好厚下，货真价实，唔会好似出面有d店舖食既猪扒咁薄身，咬一两啖就无左，抵食。
而我朋友就点左个辛辣面套餐，餐包括有辛辣面，蒜茸多士，配厚猪扒/炸鸡脾，跟一杯饮品，$47。我初时系到同朋友讲笑，公仔面我煮比你食都得啦，点知上菜后就发现其实呢个辛辣面套餐都好丰盛下，佢既辛辣
面就真系平时食开果d辛辣面（韩国牌子，d面粗身d果只），但唯一特别既就系在于，配菜方面，佢餐跟块蒜茸多士 ，佢块多士唔系薄身果d黎，又系好厚既厚多士黎，另外岩先都有讲过厚猪扒好大块好厚，而佢个炸鸡脾都不输蚀，都系一样大大旧，见到呢个组合都已经觉得好饱了。如果唔系真系因为我地又好肚饿，都未必叫两个餐，呢个时段食，我觉得其实点任何一个餐，两个人食一个餐都已经好够食，如果真系觉得唔够食，我又建议可以点多个猫头鹰既小食餐，价钱都系$30左右，有一口多士，鸡脾拼薯条/沙律。
环境我觉得都ok既，不过可能系我深夜时间去，如果full场既话，我觉得都应该会几逼下，可以慎拣选时间去。
时此惠顾：
1）猫头鹰餐：厚猪扮配司华力肠饭
2）辛辣面餐。
总消费：$100
整体都满意，始终深夜时段选择较小，食得饱，不过若要挑剔既话，就系饮品都偏向多冰，大家可以叫小冰，就岩岩好喇。
张贴
