影片
更多
2022-01-01
1668 浏览
细佬成日话去食猪油捞饭，其实我都唔知系乜，今日就出元朗一探究竟。大荣华酒楼凭外貌都睇得出佢有啲年纪，周未6:30pm 去到都要等左一个钟先有枱，仲要有一半人到齐先只叫系开始比你等枱，到有野食到肚时都已经八点。大部份既菜式名我都唔记得左，睇返相估咋。叫左个生鱼两食，一食系豆腐鱼汤，另一食系芥兰炒鱼片。鱼汤一向多工夫，所以出街先饮系最方便既，鱼汤好鲜甜，连豆腐都比我地食哂。炒鱼片一向系我至爱，屋企食鱼只系会系蒸同煎，所以我觉得炒鱼片好矜贵，的确无令我失望，仲要系啖啖肉。马蹄莲藕炸肉饼炸得香脆，一份有八旧。鱿鱼炒菜心鱿鱼有啲少，仲有少少三色椒做配菜。陈皮豆豉炒虾都好食，虾唔会太细只，够鲜甜但无陈皮味。猪油捞饭原来只系白饭，自己捞鼓油及猪油，但又真系好好味㖞。姐出街好少食饭只食𩠌既但都食左半碗猪油捞饭，猪油既威力真系不同凡响。食到咁上下仲叫左半份奶黄马拉糕，家姐话佢个马拉糕好出名，因为中间系见到夹左层奶黄，而且颜色同出面既马拉糕都唔同，系好食好多㖞。饮品方面本身都谂住饮茶就算，但见到佢一渣菠萝柠檬(定系柑仔?)汁几特别又试下啦，系真系有菠萝渣架，倒出尼之前要摇均，唔太甜好清新我钟意。每个𩠌都系
细佬成日话去食猪油捞饭，其实我都唔知系乜，今日就出元朗一探究竟。
大荣华酒楼凭外貌都睇得出佢有啲年纪，周未6:30pm 去到都要等左一个钟先有枱，仲要有一半人到齐先只叫系开始比你等枱，到有野食到肚时都已经八点。
大部份既菜式名我都唔记得左，睇返相估咋。
叫左个生鱼两食，一食系豆腐鱼汤，另一食系芥兰炒鱼片。鱼汤一向多工夫，所以出街先饮系最方便既，鱼汤好鲜甜，连豆腐都比我地食哂。炒鱼片一向系我至爱，屋企食鱼只系会系蒸同煎，所以我觉得炒鱼片好矜贵，的确无令我失望，仲要系啖啖肉。
马蹄莲藕炸肉饼炸得香脆，一份有八旧。鱿鱼炒菜心鱿鱼有啲少，仲有少少三色椒做配菜。陈皮豆豉炒虾都好食，虾唔会太细只，够鲜甜但无陈皮味。猪油捞饭原来只系白饭，自己捞鼓油及猪油，但又真系好好味㖞。姐出街好少食饭只食𩠌既但都食左半碗猪油捞饭，猪油既威力真系不同凡响。
食到咁上下仲叫左半份奶黄马拉糕，家姐话佢个马拉糕好出名，因为中间系见到夹左层奶黄，而且颜色同出面既马拉糕都唔同，系好食好多㖞。
饮品方面本身都谂住饮茶就算，但见到佢一渣菠萝柠檬(定系柑仔?)汁几特别又试下啦，系真系有菠萝渣架，倒出尼之前要摇均，唔太甜好清新我钟意。
每个𩠌都系$100一碟左右，其实系唔贵，不过等枱真系要预返少少时间啰。
张贴
