元朗合隆潮州粉麵 (創德樓)

营业中

休息中

啱啱去完尖沙咀，突然醒起附近开咗呢一间店，就过嚟食个下午茶。咁就点咗牛肉饼同埋鲜牛脷，见佢好似猪什出名咁就嗌咗个猪润试埋。啲嘢食一嚟到梗系打咗卡先啦，但系打卡嘅时候发现佢啲银针粉上面有一条头发，侍应话系豉油，再俾佢睇真啲真系头发，佢都有换。跟住试咗一啖胡椒猪肚汤，都几够胡椒味。跟住个牛肉饼都几弹辣同埋多汁，食得一阵系个鲜牛脷真系几好食又弹牙，但系个猪膶就录得嚡咗啲，食到一半嘅时候再食猪膶发现有一旧系酸嘅，以为错觉咁就冇特别理啦。跟住碗嘢食得七七八八嘅时候，再食多两嚿猪膶，其中一嚿都系微酸嘅。咁就食返件牛脷当清一清个口啦。跟住最后剩返一块，搏一搏，都系出咗事，呢一件系超酸嘅。跟住出去收紧嘅时候，同佢反映返个情况，佢话早啲出声换俾我，但系都食到7788纯粹俾返个意见佢，可能呢两日天气特别热，就叫佢哋注意返处理食物嘅过程。不过个猪油捞汁又几好食猪油好香冇益味，豉油亦都唔会太咸，淡淡地啱啱好。