川之味麻辣米線 (已結業)

自问食辣嘅程度都有番咁上吓，但黎到呢到都唔敢叫大辣，食咗咁多次都只系够胆叫中辣。每次黎到川之味，都必定会叫一种配料，因为喺其他地方系食唔到，呢样就系猪软骨！其实好多人都会话猪骨好多地方都有㗎啦，有咩咁特别啫！但我想话比大家知，呢度写住软骨并不是系出面普通食到个种口感。坊间大多数食到嘅猪软骨𠮶条白色软骨，一般Hea整嘅店舖就会整到条骨系硬；有D有心少少的话，条骨会系爽口，有牙嘅都可以咬到；而呢到嘅软骨，对我黎讲系佢地嘅镇店之宝，因为𠮶条软骨系淋到可以话无牙婆都食到呀！而D肉又唔会因为炆得耐而过咗火喉散开哂！最紧要系完完全全入哂味！不过好坦白讲，对我黎讲，佢地嘅配料令我念念不忘嘅只有猪软骨，因为其他配料同出面食嘅米线舖都无咩太大嘅分别，但唔知系咪我走芽菜同埋韭菜嘅关系，所以腐皮好似多D，如果我无谂多咗，佢地都算公平㖞！另外呢到嘅米线比较偏硬，加上店舖面积又唔算大，而且十次黎，十次都要搭枱，所以对呢到嘅米线真系又爱又恨呀！