肥佬記懷舊美食

营业中

休息中

路上突然之间见到呢间好似新开嘅肥佬记，见到有个招牌写住猪杂粉，突然之间两眼发光，今晚嘅晚餐有著落喇入到去点咗一个胡椒鲜猪杂汤米粉，猪杂嘅份量都几多，有粉肠，有猪心，猪润，仲有条脆脆地类似喉嘅物体，加咗少少胡椒令个汤提升咗唔少，又可以辟咗个腥味，饮落去几暖身鲜甜。招牌杏汁炖猪肺汤，呢碗汤都好大碗，杏味适中，猪肺清洁得干净，成个汤都系好浓稠，唔会好稀。沙姜猪，猪手处理得干净，没有毛，软软糯糯中带点爽脆，跟砂姜汁绝配。胡椒鲜猪杂猪油捞面，捞面同猪杂汤系分开上，先用猪油将面捞好，再配上猪杂、配上汤、汤同猪油可以覆盖咗面碱水嘅味，味道丰富。冻奶茶，茶香，丝滑。又系一餐心满意足嘅晚餐。