泰式海南雞

营业中

休息中

买了$300外卖回家一家五口做晚餐，有香茅猪扒捞檬粉、猪颈肉饭、海南鸡饭、炸虾饼、蚝仔煎蛋、肉碎生菜包，另外叫多一份$50净猪颈肉做𩠌，叫咗$10一份白饭。肉碎生菜包系最好味嘅，泰式香料味十足，下次会再帮衬。蚝仔煎蛋ok，蚝仔好瘦好细粒冇乜蚝味但都几多，煎蛋香口。$29海南鸡饭正常，油饭份量好多，咁平仲想点？点鸡嘅汁只有酸甜汁，冇俾黑酱油同姜蓉。炸虾饼太薄身冇乜口感，麻麻地。捞檬个汁唔够鱼露味，只系酸辣，麻麻地，块猪扒好硬好干，冇肉汁，又炸得唔香口，唔知想点。猪颈肉好难食，我仲叫咗个跟饭嘅另加一份净𩠌，中晒伏，又唔香又干又瘦似煲完汤嘅猪肉咁，平时家人最钟意食猪颈肉，今次每人试咗一件剩低晒冇人肯再食，我自己整嘅好食好多。