泰船

营业中

休息中

第二次嚟呢间舖头，就系为咗佢个猪颈肉！🐽佢间舖都真系几细，最多应该只可以坐到12至14个人，价钱觉得中等唔系话好贵，今次食咗个海南鸡同埋猪颈肉。海南鸡都算滑，个汁都正常几好食，但系只鸡实在太肥😂个鸡皮都偏多脂肪同厚，如果可以薄返瘦返啲就好。个猪颈肉真系出色，唔记得咗几多钱好似50几60？个份量真系几多，个卖相好靓，金黄金黄色，佢里面啲肉都好有肉汁，唔会过熟，系有少少粉红咁样，唔系平时出面普通泰国餐厅食全熟肉色然后比较干柴，咬落松软好正！点埋佢𠮶个汁酸酸地咁样真系超好食🤤两次佢都有叫，冇叫错。仲有饮咗杯龙眼冰同泰式奶茶，泰式奶茶不过不失，龙眼冰都好正常唔会过甜。