嘆杯貓茶

营业中

休息中

琴日同老婆去开葵涌广场行街，又唔想坐低食，想扫下街食啲小食，于是就见到呢一间叹杯猫茶。见佢以猫做主题，我老婆又非常之钟意玩猫，见到佢啲奶茶同小食有几吸引㖞，于是就去嗌杯嘢饮同叫啲小食试吓。我哋嗌咗一杯黑糖珍珠鲜奶茶，同埋一杯朱古力鲜忌廉Oreo脆脆。见有啲口痕，又嗌埋小食，嗌咗个脆炸爆汁小笼包，同埋一个甜食朱古力冬甩。我哋就企咗喺隔离食，个爆汁小笼包真系包如其名，一咬啲汁就咇晒出嚟，差啲唧咗落隔离𠮶个人𠮶度。食落个小笼包又几香口，炸得嚟又唔过分油腻。𠮶两杯饮料都比一般台式茶饮店好饮，啲黑糖够浓郁鲜奶够嫩滑。另一杯Oreo脆脆，口感好好，朱古力同忌廉比例恰到好处，加埋啲Oreo够晒爽口。个店员仲好友善，同我哋倾咗好多猫经，佢仲邀请我哋下次有时间，可以拎埋啲小食去佢哋距离唔远嘅猫Cafe，可以玩住猫咁饮嘢，猫Cafe嘅收入仲会拨作救助流浪猫嘅用途𠻹。