Catee (已結業)

今日收工，約咗成班舊同學出嚟食飯。呢間以貓咪為主題嘅特色西餐廳，係我其中一個朋友極力推薦的！感覺都唔錯，裏面環境亦有些格調，真係適合三五知己慢食西餐嘅好地方！前菜點了一個燒原條八爪魚沙律，八爪魚煎過但都唔算太韌，有孑然味道爽口。及跟餐加50蚊配沙樂美腸沙律，莎樂美腸口感不俗，仲有餐湯、飲品及甜品，相當超值！烤西班牙黑毛豬扒拌芥末籽醬，黑毛豬扒外面烤得金黃，入口一啲都唔 un ，肉汁豐富！黑松露意大利飯，意大利飯煙韌口感，絕不太黏口， 好有水準！黑松露上枱時已陣陣飄香……跟餐送嘅甜品，唔算太甜，芝士味淡及硬身咗少少。喺荃灣區呢類小店越來越多，真係好適合一班朋友慢食享受一下柔和嘅燈光及環境！