新都會大酒樓 (已結業)

成十个人去饮茶，北角附近都好难揾位。龙腾阁和喜悦唔使谂，一定冇位。最后想起新都会，有两层，又大大间，应该会有位。果然，好到系唔需要等位，仲有好多张大台剩，任拣唔嬲。睇吓张点心纸，几多选择，亦唔系贵，于是就乱咁叫，好似大豪客咁。叫了好多点心，牛肉、烧卖、凤爪、虾饺、千层糕、油菜、排骨、布丁、春卷，应有尽有。除点心外，再有一窝雪菜肉丝炆米及杨州炒饭。因为太多𩠌，我唔逐样写，可以话总体而言都只是很普通。唯一系个窝米炆得几好，仲有个春卷都够脆，系咁多。之后，每人都要一碗甜品，我拣了杏仁露，不过就唔够香，又稀了些少。埋单每人唔使四十蚊，真系一分钱一分货。