玉

屋企人生日，于是豪一次过黎试吓佢地既中菜，位置望住个海洋公园同海景，天气好真系一百分👍🏻我哋总共叫咗10几样嘢食，每一样都唔会令人失望，而且好有特色。餐前小食我地叫左金腿虾多士，好脆😳食落去亦都唔会好油，虾好鲜甜👍🏻 点心试左XO酱煎肠粉、蜜汁叉烧肠粉、香芋天鹅酥、红菜头带子饺、肉骨茶小笼包🙈肠粉好惹味，绝对适合重口味嘅朋友仔💕天鹅酥亦都好松脆，好香竽头味😆😆推荐推荐👏🏻比较特别嘅系肉骨茶小笼包，味道上未必个个钟意食，但接受到肉骨茶既人一定会钟意！佢肉骨茶味好特出好出色👍🏻佢地既鲜蟹肉焗酿蟹盖，芝士满满一层好邪恶，蟹肉亦都好鲜好足料！烟熏鸡亦都绝对值得一试！烟熏味超香，而且啲鸡好滑！对于我呢个甜品控，最后佢地既甜品亦都冇令人失望，每一样都超出期望💕芒果布甸好滑好香奶味、寿包包体好软熟，莲蓉亦都超滑，入边嘅咸蛋仲要好香😍而且摆盘劲靓呀！主菜食到好饱都忍唔住要食多几粒🙈腰果酥比较特别，佢入边有少少似凤梨酥既口感。唯一比较普通嘅系个奶黄煎堆仔，奶黄味唔够出，不过好在食落唔油。佢哋嘅价钱绝对唔系平，讲得上系偏贵。但起码叫做对得住呢个价钱，间唔中同屋企人食下好西唔过份👍🏻