One More Hotpot 來一鍋 (已結業)

一班人去打边炉最好都系选择任食形式，起码人人饱肚。今次就试试呢度嘅海鲜任食边炉，同好多边炉都系一样，肥牛同海鲜系冇得任食嘅，所以都祈望唯一嘅果一盘海鲜嘅料会既新鲜又靓食材，可惜呢度唔系好做到。因为我地有十个人，所以海鲜盘派头大，但系味道毫无惊喜。生蚝有啲仲未解完雪，硬崩崩上枱，而最新鲜嘅应该系龙虾但可惜肉质亦不弹牙，虾味亦不特出。而比较好质素嘅系手切肥牛，冇乜雪气味之余又肥瘦均匀，入口有牛味，系比较新鲜嘅食材。而其他嘅配料比较突出嘅有大大块嘅炸鱼皮同埋炸响铃卷，自家舖头制作嘅两样都十分香口。