影片
更多
2016-03-11
876 浏览
四年只有一次嘅29/2，一班人揾地方饮茶，去到要攞飞等位，好在5分钟左右有位，地方装修新潮，中式气氛，灯饰特别， 其中有种半圆绒面嘅卡位！几特色！不过我哋人多，所以无机会坐！坐低店员问晒我哋要嘅茶，我哋问佢攞大碗洗餐具，佢比一个玻璃碗，唔系好大，点够我哋9个人，加上啲碗筷真系好污糟，全部黏满干咗嘅食物残留物！隔咗好耐都未见茶到，再问店员先攞来！仲跟一个大保温瓶！唔使成日叫店员加水！点心款式有啲几特别，点心好快上！ 沙巴海虾饺：虾饺胀卜卜，皮烟韧，虾爽口，有肉汁好味！ 蚝皇叉烧包：包身松软，叉烧甜腻！好味！酱皇金钱肚：金钱肚炆得淋兼入味！好味！姜葱牛柏叶：牛柏叶有阵喇口嘅味！漂得太劲，差差差！香滑奶皇包：包身松软，奶黄少又唔香，哑色唔流心，一般怀旧四宝鸡扎：好大扎，食了火腿，火腿弹口有肉汁好味！南翔小笼包：卖相丑样，尤其系个皮，又厚又泡，肉汁又唔多！差！山竹牛肉球：牛肉球滑，马蹄爽口，最好味嘅系索晒肉汁同喼汁嘅腐皮！好味！养生棉花鸡：棉花多，索晒汁，爽口好味！鲜虾仁肠：卖相丑样！肠粉皮唔够滑，虾仁爽口，一般！蟹籽烧卖：蟹籽蒸过唔脆！烧卖唔大粒，虾肉爽口，猪肉多肉汁，皮薄多汁！好味！香茜
去到要攞飞等位，好在5分钟左右有位，
地方装修新潮，中式气氛，灯饰特别，
其中有种半圆绒面嘅卡位！几特色！不过我哋人多，所以无机会坐！坐低店员问晒我哋要嘅茶，我哋问佢攞大碗洗餐具，佢比一个玻璃碗，唔系好大，点够我哋9个人，加上啲碗筷真系好污糟，全部黏满干咗嘅食物残留物！
隔咗好耐都未见茶到，再问店员先攞来！仲跟一个大保温瓶！唔使成日叫店员加水！
点心款式有啲几特别，点心好快上！
沙巴海虾饺：虾饺胀卜卜，皮烟韧，虾爽口，有肉汁好味！
蚝皇叉烧包：包身松软，叉烧甜腻！好味！
酱皇金钱肚：金钱肚炆得淋兼入味！好味！
姜葱牛柏叶：牛柏叶有阵喇口嘅味！漂得太劲，差差差！
香滑奶皇包：包身松软，奶黄少又唔香，哑色唔流心，一般
怀旧四宝鸡扎：好大扎，食了火腿，火腿弹口有肉汁好味！
南翔小笼包：卖相丑样，尤其系个皮，又厚又泡，肉汁又唔多！差！
山竹牛肉球：牛肉球滑，马蹄爽口，最好味嘅系索晒肉汁同喼汁嘅腐皮！好味！
养生棉花鸡：棉花多，索晒汁，爽口好味！
鲜虾仁肠：卖相丑样！肠粉皮唔够滑，虾仁爽口，一般！
蟹籽烧卖：蟹籽蒸过唔脆！烧卖唔大粒，虾肉爽口，猪肉多肉汁，皮薄多汁！好味！
香茜牛肉肠：肠粉唔够滑，牛肉唔够多，豉油微咸！一般
白灼时蔬：菜心灼得略老，豉油汁微咸吊味！菜心大棵，又唔剪开，食时唔方便！
冰烧三层肉（$88）卖相靓仔，烧肉切成正方形，皮脆肉嫩，仲好肥美！烧得好味，可惜黄芥辣太多油，本来用熟油赞面，可能增加香味！但点嘅时候只点到油，芥辣完全醮唔起！所以吊唔到味！
舟山海蜇头（$58）份量唔多，有云耳青瓜同海蜇头，海蜇头有咬口，云耳爽口，青瓜新鲜爽脆！腌得微酸开胃！好味！
烧汁煎包：见旁边嘅客人叫，卖相几特别，一个热石碗放3个包子，用洋葱丝同青葱垫底，增加香味！不过点菜时以为系上海生煎包，点知食落系叉烧包，叉烧微甜有咬口！包子松软但唔热，热嘅系石碗，只有贴住石碗嘅包身先热，所以几失望！茶位每人$7，菜系用大黄金属壶，比平常见茶壶盛载得多！茶叶落得多！茶几香！
食物唔错，点心有特色，可惜店员唔够，虽然有保温瓶，都时不时要加水，都叫唔到人，虽然店员有礼，亦勤快！卫生又唔够好！点心比其他酒楼贵，以呢个价钱，唔值！
张贴
