Freshness Burger (已結業)

今次系小弟第一次试 Freshness Burger，感觉上呢个品牌比较接近 MOS Burger，而唔系汉堡王果种。由于位处海港城(lcx)人比较少既楼层，环境算系唔错(仲可以睇人打机)。试左个特级双层牛肉芝士鲜堡，牛肉比其他连锁快餐既汉堡有完全唔同既口感，呢度既牛肉系比较滑，酱汁方面味道系恰到好处，酸瓜味道亦浓。而个人口味问题，自己其实对汉堡包D巨型蕃茄无咩好感，但撇除呢一点整体上绝对值得一试。此外，小食方面薯皮相信会比薯条好食，上面层酱幼滑到不得了。而粟米汤唔系一般西餐厅既白汤，而系粟米香味好重既汤，饮落仲有D次食粟米条，系一个惊喜。至于价钱方面其实一般，两个餐无加大已经可以过百。可能系即叫即制既关系，等候时间会比较耐，呢一点真系有点怨言。不过环境舒适，又有梳化凳坐，叫做打返个和。总的说，呢度唔适合赶时间既人，想慢慢享受既话，不妨一试。