北方餃子源 (榮華商業大廈) (已結業)

饺子算系我喜爱食物之一，感觉上较健康。今次试下呢间食评唔错既饺子店。位处铜锣湾与湾仔中间，唔算好就脚，附近反工就方便。门面同入面都几新下，企理。午饭时间唔洗等位，坐位就迫左少少，同隔离果位都手肘碰住食饭，坐得并不舒适。点了…鲜肉冬菇香菜饺及煎京葱羊肉饺鲜肉冬菇香菜饺，包得靓仔实净，肉多但香菜冬菇份量唔够多，而且菇香唔够，但调味可以。如果香菜冬菇多一点的话会好少少。不过同民丰相比就差得远啦…煎京葱羊肉饺，都系多肉少菜，但系羊肉打得够滑又够油香，兼且半煎炸后饺子皮香脆可口，食到唔停得口。整体系多肉少菜，唔算太平均，而且饺子黎讲，真系有D贵…！61蚊食左10只饺，想再添食都唔敢，吾系要过100蚊落楼。