車仔麵之家 (已結業)

小秘书如无必要都好少星期六日过香港岛，一来车费贵，而且平日返工已经去到嫌😑 今日破例过嚟湾仔，目的系为咗下昼去一个有关 ‘善用咖啡渣’ 嘅工作坊。上堂之前梗系先去医吓个肚先啦🤤 湾仔区我唔太熟路，所以只好由朋友带路，嚟到「车仔面之家」。舖头细细，人客都唔少。为食嘅 #小秘书，当然要多点几个𩠌先够满足啦👀 甜酸斋、猪红、鱼旦、咖哩鱿鱼、猪肠 配 粗面，仲以为今日一定食个饱，不过实际上系样样食材都系少少、少少咁，不过就几好味嘅，尤其系咖哩鱿鱼爽口又入味😋 虽然🍜价钱都唔平，不过间中过吓口瘾都ok嘅！