鴻星中菜 (瑞安中心) (已結業)

星期日神咁早送主子去香港艺术中心参加话剧，曲目系经典的「白雪公主」。送完主子入去彩排，自不然要揾地方消费一下时间，有咩好得过饮早茶？黎到瑞安中心，好自然会入黎鸿星，呢间鸿星出名贵，胜在服务好又够就脚。我地叫左几笼点心，虾饺皮薄馅靓，原只鲜虾够弹牙。仲有原盅鲍汁凤爪，新鲜滚热辣。叉烧菠萝包菠萝皮够脆，叉烧馅够多。最重要系壶普洱够水滚茶靓，饮啖茶食个饱，舒服晒！最后仲食返碟红枣糕补一补血。黎到湾仔饮茶又唔想同人争，可以谂谂鸿星啦！