碗碗香 (已結業)

今日在铜锣湾做完facial，tea time唔太肚饿，就去揾面食。呢间门面贴住张明星相，menu又几得意，唔驶等有位企理冷气够唔睇返张相都唔为意，果位人兄食面拉到好高㖞。睇餐牌似乎最出名的是牛肉。餐具、筷子... 全都印上店名。自行剔选口味及配料。建议食法。先上红油牛肉粉，平时红烧牛肉面就听得多，但配粉就真系好少听。呢种粉同平时认识的米粉、米线、空心米粉等唔同，佢粗度好似意粉但软滑度好似乌冬，加上碗汤的油，真系滑到夹唔实，要用匙辅助，连埋汤边饮边食牛肉我唔识系乜部分，但就好似「炆牛腩」咁林。红油其实唔算好辣，我无按建议加花椒及胡椒去试，但相信加左一定会提升到辣味及香料的层次。另一碗清汤牛肉粉，用上牛𦟌，都系煮得好林，入口即溶唔食得辣啱晒。苦丁茶，热的饮时觉得饮紧「苦瓜水」咁，但冻饮原来另一番滋味，觉得好「清新」！