碗碗香 (已結業)

小妹今日系时代广场附近行行下街，就见到间食辣野嘅铺头，就心郁郁入咗去试下。原来呢间餐厅系食贵州野。对于无试过贵州野嘅我地，就叫咗啲店员推介嘅野食试下。😛😛✨餐牌✨清汤牛肉粉 牛肉好入味同煮得好稔，估唔到牛肉会煮得好食过出面嘅粉面档。个汤底好清，有少少蒜味，饮落唔觉得有味精，因为饮晒成碗汤都唔口渴，饮落好似屋企饮到嘅汤咁。个汤同个粉好夹。个粉好特别，有韧性之余，又几滑身，似濑粉同米粉嘅混合。本身就咁食原味就已经好好食。之后再加埋个辣粉，因为个侍应 一开始叫我地食到一半先好落辣粉。个辣粉真系劲好食，将个汤升华咗。平时食嘅辣粉通常系口度辣完就无，呢个系落到喉咙仲辣紧，所以系好得。 只辣粉唔系净系得辣，重有 麻 同 香。钟意食辣ge 人应该会钟意个辣粉。✨辣鸡凉拌面 鸡腌得好入味，几滑得黎又唔会太柴。个面底系鸡蛋面，煮得啱啱好，唔会太稔、又唔会太韧。我地叫咗小辣，几够辣味，唔使担心会太辣。个汁系辣辣地加小小酸，同个粉几夹。拌面最啱热辣辣嘅天气，好清爽。✨苦丁茶 苦丁茶饮落好清，好顺。几适合食完餐饭饮翻杯消化下。