碗碗香 (已結業)

想去诚品揾书，但点都揾下食先！去到加路连山道行下行下，见呢间贵州菜几特别，于是试下！同老板倾咗两句，原来佢嘅贵州人老婆系主厨之外，之前仲要做过达官们的厨师，即刻想试下佢手势！老板推荐咗牛肉粉、口水鸡，仲有甜品玫瑰冰粉！听讲呢到啲辣唔讲得少，惊惊嘅我叫咗小辣试试先！牛展好入味，甜甜辣辣咁好开胃！但最有惊喜系个面，面质几特别，唔系米线又唔似米粉，好滑身但又有咬口，原来系「贵洲直送」米粉，有啲异国风味！至于辣度我个人接受到小辣，而且个汤花椒味都几重，唔系𠮶种单一辣味，几有层次。至于玫瑰冰粉就好似凉粉，不过就透明嘅！甜甜地冻冻地，食辣嘢配佢就啱哂！老婆话佢应该有加玫瑰露喺入面，不过我就唔系几食得出XD最后老板介绍咗一个特色饮品苦丁茶，话解辣一流，饮一啖确系解辣，但苦味真系几重！原来佢系号称地上最苦嘅茶，虽然回甘都几好味，不过唔系人人接受到苦！所以叫之前真系要谂清楚先，唔怕苦确系可以一试！