碗碗香 (已結業)

依间碗碗香，系铜锣湾一条小巷仔度，依条街都几热闹，好多野食。我地就拣咗依间，因为我地想试下佢个最出名个贵州牛肉面，听过朋友讲好好食。一去到有位讲普通话既人好有礼貌咁问我地想食咩，然后果位厨房入面既姨姨大大声问我地食唔食辣，不过其实佢好亲切，我地三个人每人都想食唔同既辣度，佢都好有耐性。最后我地每人一碗，$66一碗。有小辣、bb辣同埋清汤，碗汤有牛腩、牛筋，好足料、好好食，虽然我平时少食牛腩，但佢啲牛腩特别嫩，唔会太老。最特别系佢个粉面，平时好少地方会食到，个粉睇落同米线好似，但咬落好唔同、好爽脆，配牛腩牛筋真系更上一层楼，值得一赞！仲有叫咗每人一杯苗乡苦丁茶，$18一杯，仲可以拣冻或者热，果日天气唔算好热，但因为食面饮汤个人会好热，我地全部都叫咗冻既苦丁茶。味道苦苦地，好特别，仲可以解辣，我就好中意😋下次再去我就会想试下佢个红烧排骨饭，我谂都相当唔错。依碗系清汤牛肉粉面，有酸菜、莞茜、葱苦丁茶依碗系bb辣依碗系中辣