通達食店

营业中

休息中

如果世上只有一样食物，我会选择合益泰肠粉!!!但又唔可以次次行街都去深水埗，肠粉瘾发作，唯有通达顶一顶。12蚊4条，贵合益泰一倍有多，只可以话个汁稀杰度接近，与葵涌广场地下轻松一下相约，止瘾之用，但还是本尊好味。环保关系洗少只碟所以我顺应老细要求鱼旦肠粉放埋一齐，但咖喱汁真系同肠粉唔friend, 下次死都要坚持分开上。鱼旦已加到9蚊一串6粒，其实我觉得呢间鱼旦唔错，或多或少喺因为个古早味甜酱。细个阿爸阿妈无买街边嘢我食，到小学朋友带偷鸡喺石篱屋村叫咗串鱼旦，鱼旦系细粒𠮶款，最记得佢用个大面盘装住兜咖哩汁，然后一大班顾客各自手攞住一串鱼旦围住个面盘，将串鱼旦好似潜水咁浸入个深不见底嘅咖喱汁内，再加甜酱，到目前为止佢都系我食过最好食嘅鱼旦，但食过一次就无咗了，成为我永久嘅美好回忆。