影片
更多
2011-11-18
134 浏览
几个月前已经听the market "好好食","好正,一定要黎试","四个胃先食得掂" 种种comment,当时都好好奇咩餐厅咁巴闭,咁多人讲架呢? 我即管都book黎试下先啦, 7月book lunch buffet....我拣星期六食...要等到11月先有位...实在太夸张了...都book左先啦,都想试试o既...到食之前两日自己打黎confirm下我有冇book到,我之前book 6位,仲问可唔可以加一两位,店员都话未必得,因为佢地都好full下㖞...我地最后都系6人去...第一次入hotel icon,入到去唔太似一间酒店,似一个新潮靓mall咁,去到the market见环境都几舒服,唔多似平时去开o既酒店式餐厅咁...迟左去,好都心急食野,佢地系比菊花水我地饮,都系第一次见,几清甜丫,但如果食buffet的话,我prefer饮淡柠檬水... 开始食喇~~之前都睇左话,parma ham,喇沙必食,绿茶奶冻必食咁...咁我唔食鱼生,一开波都系拎肉,拎海鲜,沙律咁...见每样都做到好精,好企理, 食物名都系用"黑板字"写,拎野食地方宽敞,唔会迫住一齐拎,不过拎野食地方虽大
我即管都book黎试下先啦, 7月book lunch buffet....我拣星期六食...要等到11月先有位...实在太夸张了...都book左先啦,都想试试o既...
到食之前两日自己打黎confirm下我有冇book到,我之前book 6位,仲问可唔可以加一两位,店员都话未必得,因为佢地都好full下㖞...我地最后都系6人去...第一次入hotel icon,入到去唔太似一间酒店,似一个新潮靓mall咁,去到the market见环境都几舒服,唔多似平时去开o既酒店式餐厅咁...
迟左去,好都心急食野,佢地系比菊花水我地饮,都系第一次见,几清甜丫,但如果食buffet的话,我prefer饮淡柠檬水... 开始食喇~~之前都睇左话,parma ham,喇沙必食,绿茶奶冻必食咁...咁我唔食鱼生,一开波都系拎肉,拎海鲜,沙律咁...见每样都做到好精,好企理, 食物名都系用"黑板字"写,拎野食地方宽敞,唔会迫住一齐拎,不过拎野食地方虽大,但种类唔算多...
食个苹果沙律,拎左少少贵野蓝莓芝士,真系好香浓芝士味,好"so"呀...试少少够喇...parma ham都系即场一片片切出黎,不过拣正件硬左d,味道麻麻...海鲜拎左长蟹脚,虾,青口同波士顿龙虾, 唔算好大条大只,叫做有得食下,未算话超正超新鲜咁...仲有个磨菇汤都好足料好creamy...
到热荤,拎左d烧o既牛扒同肠食,个牛扒半生熟,唔知系咪叫巴东牛肉喇...我觉得味道系唔错,肉质软熟,又juicy,好耐冇系buffet食到好味o既牛扒喇,通常都系即切但又干又韧,佢就真系整得唔错,只系咸左少少,我食左两三块喇..屋企人话个羊架都好正,仲有个ribs个味几好,系唔够林身同有d雪味...拎左个肉酱千层面食,麻麻地,硬左d...
咖哩都有两三款,有咖哩猪,羊咁...我都系拎左d咖哩汁点脆薄饼食,都系偏咸啦, 佢又冇通常会见到o既炒饭,意粉食架㖞,有海南鸡饭,但我都冇食...留肚食喇沙, 听闻个个都赞个喇沙,听闻师傅都系星加坡黎, 只有油面同濑粉拣,我拣左濑粉丫,如果有米粉应该会更好, 个汤底都好靓,好香椰味,少少辣,有半只虾, 有蛋,有豆卜,鱼片各一, 芽菜同莞茜...个豆卜唔知点解好似煎到焦左少少,不过索左d汤食就好好味, 个汤底都好饮, 只系食濑粉就好似晒左,个喇沙都算唔错, 大家都觉得几好..
可能食肉多,好快饱....进入甜品时间喇...一去到望下都唔算好多种, 中式甜品我食左炖奶,好少地方有炖奶食,唔够滑同奶味真系好重,有d "so",我妈咪拎左紫米露比我食,佢话我"紫米"紧系要食㖞 =.= ...无奈...我食左啖啦,太甜...
西式甜品呢,我每样食一件仔,有绿茶朱古力蛋糕, 唔够绿茶味,可能比古古力抢左, 绿茶奶冻用个古古力兜兜住,可能比古古力影响左个味,虽然个奶冻好滑但就唔够绿茶味,芝士brownie都几好味,两味都好浓,柠檬挞仔都整得好cute,味道都ok,最好食反而系个朱古力rasberry蛋糕,好食! 仲有d hazelnut同脆脆系底,好味! 仲有面包布甸,都焗得好靓呀, 不过唔够帝x好味,仲有雪糕系movenpick,紧系要食两球先啦, 好滑呀..不过味道得3种拣就少d喇...,系vanila,choco同walnut maple, 靓雪糕系好味d呀...仲加左个pancake一齐食,入面用柠檬酱都几特别,冇咁漏...仲有试左少少佢地自创o既蔬果雪芭,红色o个个...真系一食落去好fresh,好有蔬果味,不过唔吸引,只系试一口就够喇...
好喇,食饱饱...不过我唔算食到要呕o个只,o岩o岩好啦, 288蚊系贵左,同埋服务唔够好,牛扒,喇沙好味...其他野食都系一般般,唔差o既,佢样样野都整得好精致,贵精不够多, 可以黎一试,我介绍朋友黎食,佢打黎订台竟然要收订, 2人食都要收200蚊订先,book左唔黎要收50% of cancellation fee,我觉得夸张左喇, 其他五六星o既hotel都未必要咁做,明白可能好多人book左位又放飞机, 但我觉得佢未有资格做到咁巴闭, 同埋越黎越招积,听闻个餐厅系比poly学生实习,咁服务都唔算系一等一啦,需要系改善一下个态度, 学之前有人comment话斋, 288蚊 lei个价钱,系可以去更好的...张贴
