影片
更多
2009-04-27
192 浏览
已经唔多吃buffet的我，适逢今次系小公主升职关系，佢之前同朋友食过话几好，有机会一定要带我去试试，而且这里亦是我老板推荐的餐厅之一，咁当然要会一会佢啦。朝早订枱，都算幸运，仍然有枱，但餐厅话今日订枱颇满，问我介唔介意要坐到走廊尾，我之前都去过食afternoon tea，咁当然唔系buffet形式，唔需要行去攞嘢食，但系冇所谓啦，难得今日有时间，而且坐远啲可以当做运动又可以静啲，恩言接受，餐厅亦说如果有枱的话，会帮我调近啲buffet枱。今日嘅dinner buffet系有特别主题 - 印度食品。可能因为经济不景所致，价钱亦都较早前调低咗$50-$60。今晚有段小插曲，到达嘅时候，因为应该有位调动关系，waitress话帮我地调咗位，坐到近buffet枱，但又系窗边嘅二人枱，非常满意。因为6:45 去到嘅关系，都未开始肚饿，咁就先影几幅相先，不过大部份都系冇开闪光灯，但系我地坐位嘅光线系颇暗，所以我影小公主时唯有开闪光灯，只影咗三张有闪光灯嘅相的一刻，有一系著住西装嘅waiter走埋话："请你唔好用闪光灯"，之后不发一言，就走咗了。佢唔解释原因，又冇话其他客人投诉，只系不礼貌、态度
朝早订枱，都算幸运，仍然有枱，但餐厅话今日订枱颇满，问我介唔介意要坐到走廊尾，我之前都去过食afternoon tea，咁当然唔系buffet形式，唔需要行去攞嘢食，但系冇所谓啦，难得今日有时间，而且坐远啲可以当做运动又可以静啲，恩言接受，餐厅亦说如果有枱的话，会帮我调近啲buffet枱。
今日嘅dinner buffet系有特别主题 - 印度食品。可能因为经济不景所致，价钱亦都较早前调低咗$50-$60。
今晚有段小插曲，到达嘅时候，因为应该有位调动关系，waitress话帮我地调咗位，坐到近buffet枱，但又系窗边嘅二人枱，非常满意。因为6:45 去到嘅关系，都未开始肚饿，咁就先影几幅相先，不过大部份都系冇开闪光灯，但系我地坐位嘅光线系颇暗，所以我影小公主时唯有开闪光灯，只影咗三张有闪光灯嘅相的一刻，有一系著住西装嘅waiter走埋话："请你唔好用闪光灯"，之后不发一言，就走咗了。佢唔解释原因，又冇话其他客人投诉，只系不礼貌、态度强硬地好叫我不要再用闪光灯，当时佢咁嘅"态度"，我真系无明火起。
我随即找来另一位waiter作出投诉，呢位waiter虽然唔关佢事，但佢都先行向我地道歉。后来过了约十分钟，另一位穿西装侍应走来，端来一张佢嘅卡片，自我介绍系助理餐厅经理，佢虽然冇向我解释何解佢嘅同事会有如此行为，但有礼貌地向我地道歉，亦说稍后会进行检讨，其实佢地反应之快，亦已经不得不佩服佢地嘅五星级酒店服务，虽然有得失客人之处，但都即时改正，系尊重客人的表现。我亦都向佢解释，我明白做客户服务嘅困难，但系算遇到刚刚的情况时，亦要客气礼貌地向客人解释，而唔系命令客人后，即时离开呢。
后来，佢地又送上两杯鲜橙汁，说是他们送的。再过了一会，之前第一次不礼貌对待客人的waiter，亦走埋嚟向我道歉，全晚到我地离开前一共道歉了三次，由此证明，佢地之前真系有揾返呢位同事了解事发经过，而唔系草草了事。而且应该系为表达佢地嘅诚意，除咗即时送上鲜橙汁外，本来佢地说可以让我地任叫 menu里的红白酒，不过我地都说唔需要了。最后差不多吃到尾段时，呢位waiter再次走来，问我地有冇兴趣试佢地嘅雪糕，佢可以攞比我地，但其实我地两个已经好饱，亦推却佢嘅好意。
言归正转，讲返今晚嘅食品：
1. Assorted Bread - 一开始就端来一蓝面包，一款软嘅，一款硬的类似五谷包，卖相重于质素，不过以自助餐来说，通常都系自己出去攞，但系呢度照顾周到。
2. Seafood - 睇都未必可以睇得最仔细，一食便知龙与鳯，虾嘅新鲜程度系超级弹口，真系好新鲜，龙虾仔嘅肉系唔会"痴"谷嘅，都系非常新鲜，最劲嘅莫过于阿拉斯加长脚蟹，半呎长，厚肉，最紧要够新鲜，仲有翡翠螺、两种生蚝、青口、蟹、赖尿虾。
3. Salad (1) - 今晚话明主题系India，真系劲，连Salad都有印度嚟嘅，我就冇试过了，不过卖相唔差嘅。
4. Salad (2) - 传统沙律，有生菜、火箭菜、粟米、车厘茄嘅自选组合，又有预先捞好嘅，有薯仔沙律、Penne Salad，最特别系有一个几好味嘅Roasted Duck Salad，故明思义入面一定有烧鸭丝，加上好多切了丝嘅瓜，再加上细细段嘅鲜露荀，味道丰富。
5. 鲜橙汁 - 餐厅为表达歉意，特别送上的两杯。都好大杯，最后都饮唔哂，超级多果肉，出面好少有咁嘅水准。
6. Soup - 汤有两款，Mushroom Soup & 粟米鸡茸羹，反而冇好似其他buffet有中式老火汤供应，佢地果然系主打外国食品嘅餐厅，比较英式。Mushroom Soap非常之有浓烈香菌味，但系佢地会将磨菇完全磨烂，融入汤入面，唔似得其他地方咁有口感，不过各有优点。粟米鸡茸羹我就试咗一淡，稀杰度适中，最紧要系淡淡都有粟米同鸡肉，材料丰富 (不过如果可以好似我妈妈咁落少少鸡杂会更加好，不过呢种系中式煮法，唔啱佢地呢间餐厅)。
7. 刺身 + 寿司 + 热荤 - 呢度嘅刺身系摆喺度任你攞，香港已经好少酒店buffet提供，佢有例牌几样刺身，特别值得一提嘅系三文鱼好肥, 但系肥瘦适中，另一款系甜虾，鲜甜，比你可以尽情吃过够 ; 寿司方面都好多选择，卖相吸引，试了一款鳗鱼寿司，饭硬，鳗鱼唔够厚同肥美，算啦，始终佢地唔系主打呢方面嘅菜式。热盘真系唔多，可能因为今晚系印度为主题嘅，有一半地方摆印度菜，热荤剩返五盘，真系少得可怜，但系仍然系贵精不贵多嘅宗旨，记得有鳕鱼扒、镇江骨、炒虾球、扒津白、扒粉丝 (名牌上就写得好听，叫Glass Noodle)。镇江骨都算唔错，不过稍嫌唔够肥，冇咁多肉味带出嚟 ; 炒虾球嘅虾就唔太新鲜，中式菜嚟讲已经属上乘之作。
8. Roasted Beef w/ Yorkshire Pudding - 永远唔会有一个厨子长期企喺度，但你企埋去，附近的厨师都会好醒目即刻走埋嚟serve你。如果你冇特别要求，佢地系唔会好似其他地方咁吝啬，一定会系 thick cut，所以如果你食唔哂咁大份，就要预先同佢讲定，厨师一落刀已经睇到旧肉虽然大，但系好软熟，再淋上gravy，旁边仲见到有Yorkshire Pudding，呢样你就要要求佢至比你嘅。第一块系最好嘅，因为佢切到啱啱旧肉嘅中间，非常鲜嫰，虽然仲系红色，但系已经冇血水流出嚟....median, juz perfect ; 不过Yorkshire Pudding就比较干，可能系放咗喺度都几耐了，入面已经一啲都唔软熟，同埋焗得太浓，不过仍然无损我享受呢块美味嘅牛肉。第二块就可能近边，肉质会冇咁软，but仍然系上等货式。
9. 鳕鱼扒 - 好嫰滑肥美，又够厚，一大淡一大淡咁食，人生一大快事，但伴碟苋菜同汁就略为咸。
10. 印度薄饼 - 今晚嘅主题，当然要试吓，佢地除咗沙律菜式，仲有炒饭、薄饼、咖喱、甚至连甜品都有，算系大开眼界。试咗两款薄饼，一种有葱、一种冇葱，但同样系唔松同埋颇浓又干，反而两种咖喱味都唔错，尤其加咗牛肉𠮶款。
11. Dessert & Fruit - 甜品就以mini size, bit size为主，一件一口，可以比你试多几款，冇试佢地嘅Bread Pudding，最值得欣赏嘅首选系佢地嘅朱古力甜品，chocolate mousse打得超滑，小公主专乘攞咗件黑森林比我食，但入口就颇为失望，事关问题不在于蛋糕本身，朱古力亦非常滑，而系入面浸满酒嘅车厘子，实在太西方口味，酒味太重，完全抢夺了朱古力味，甚至可以话系抢喉，食完成条喉咙当堂热哂。Cheese cake就冇咩质感，texture太过松散，可能系蛋糕本身太干所致。不过讲到底，佢地嘅朱古力仍然做得咁出色，保持一贯水准，就机会应该大吃特吃。 Sherry Trifle就明显差过早几日喺Soho区嘅Yorkshire Pudding食嘅，呢度嘅竟然中间果层系变哂水嘅，食落去口感完全唔合格。而且佢地系冇雪糕、中式糖水、甚至生果都冇，要吃水果最多只会喺切成粒状放系糖水入面浸住𠮶啲。讲埋盛载用嘅器皿，大部份都系用细细只嘅玻璃碟，但系杯仔就竟然可以用胶嘅，堂堂大酒店餐厅，唔使咁悭嘛。
12. 柠檬茶 - 仍然系那么传统英式风格，有大大嘅茶杯，银器做嘅茶壶同茶隔，可以倒出两杯半嘅份量，绝对饮到你够。红茶不致于过浓，配合新鲜柠檬，状甚讲究。
Comments: 餐厅主打外国食品，中国食品好少，如果去之前一定要注意，连食物牌都系全英文架。客人亦都好高级，有不少外国人帮衬，绝对唔会有抢住攞嘅情况出现，大家都好斯文客气。虽然有著一段不愉快嘅开始，但系随著佢地补救嘅速度及诚意，为佢地嘅服务喺我心目中争回不少分数。以文华一向喺业界出名高质素的服务标准，而且以呢个相当合理嘅价钱享受如此高质素食物，虽然有少少瑕疵，但系以绝大部份都系高水平之作，已经系酒店buffet中的五星级，绝对值得我下次抽时间再次光临。
张贴
