和居酒屋 (已結業)

难得系太子依个旺区都揾到个咪表位，咁就当然借机行多一阵，顺便就食埋午餐先返屋企。咪表位附近就揾左一间好似坐得几舒服嘅店舖食日本嘢，咁小小猪又嘈住话肚饿，咁就入去食啦~坐定定就睇menu时先睇到，原来佢地系规定每一位客人都要order一个set餐，咁以平日小小猪嘅食量系唔可以自己一个人食唔晒成个餐，但我地又已经坐底左，所以都费时走唯有照叫啦！(不过...其实又点解要有依个条例呢？咁即系唔建议小朋友入内进餐？定想我地大人食多啲嘢呢？)我就order左一个寿司乌冬定食，啲鱼生都系新鲜嘅，不过个乌冬就真系太少了，两啖就已经KO晒啦~小小猪嘅牛肉定食，普普通通冇乜特别，个肉汁都比较少~老公嘅冷面定食，老公话都唔错，啲面都算弹牙，不过都系同一问题，佢嘅份量都系比较少啦啰~某程序啲食物都叫可以接受，不过我就最唔钟意店内嘅服务态度，我地已经唔长气，快手快脚落单，但问多一句那位女店员嘅态度就好串串地回答，仲要完全冇望住我地嚟讲，真系好有问题呀！三个人咁就依左三百几蚊，我个人真系觉得好唔值，所以依间都系唔会有下次了！