影片
更多
2015-02-28
9567 浏览
又到另一半生日的日子，每年到依个时刻都必定会选择有特式既餐厅嚟庆祝，今年就选择左ICC依度食怀石料理。预先两星期预早订位，知道得一个套餐，每位2180真系都几肉赤，不过一年得一次加上餐厅环境同侍应服务良好，都不失为一个难得既饮食经验。难得生日咁开心，当然要开枝清酒庆祝下，叫左枝笑颜百药既sake，饮落非常香甜，虽然成千三蚊枝酒，都算物有所值。第一道系北海道安康鱼肝，鱼肝入口即溶好似鹅肝般润滑，另外的赤贝新鲜爽口，系非常精彩既头盘。第二道有煮鲍鱼，因为煮既时间够长够入味，食落唔靭好食。第三道有毛蟹蟹肉配香菌汁，啖啖蟹肉食落够鲜好满足。第四道系一个蚝汤，汤入口鲜甜而蚝则算肥美，系几好的汤。第五道系到三款日本刺身，刺身切得够厚够新鲜，点上新鲜即磨既wasabi，非常好食亦适合用来配上清酒一齐享用。第六道系烧鲷鱼，鱼肉烧完带出鱼油既油脂香味，而鱼皮则烧致脆脆的，掌握烧烤既时间不错。第七道系充满海胆既米饭，份量少少但日本充满饭香，加埋为数不少既海胆，食落啖啖鲜味啖啖满足。第八道系著名既-196度既招牌甜品，造型卖相好靓，食落完全系饮食界既冰火，好多啤梨果肉同酱汁，唔会过甜够浓郁，好难得既饮食经验
预先两星期预早订位，知道得一个套餐，每位2180真系都几肉赤，不过一年得一次加上餐厅环境同侍应服务良好，都不失为一个难得既饮食经验。
难得生日咁开心，当然要开枝清酒庆祝下，叫左枝笑颜百药既sake，饮落非常香甜，虽然成千三蚊枝酒，都算物有所值。
第一道系北海道安康鱼肝，鱼肝入口即溶好似鹅肝般润滑，另外的赤贝新鲜爽口，系非常精彩既头盘。
第二道有煮鲍鱼，因为煮既时间够长够入味，食落唔靭好食。
第三道有毛蟹蟹肉配香菌汁，啖啖蟹肉食落够鲜好满足。
第四道系一个蚝汤，汤入口鲜甜而蚝则算肥美，系几好的汤。
第五道系到三款日本刺身，刺身切得够厚够新鲜，点上新鲜即磨既wasabi，非常好食亦适合用来配上清酒一齐享用。
第六道系烧鲷鱼，鱼肉烧完带出鱼油既油脂香味，而鱼皮则烧致脆脆的，掌握烧烤既时间不错。
第七道系充满海胆既米饭，份量少少但日本充满饭香，加埋为数不少既海胆，食落啖啖鲜味啖啖满足。
第八道系著名既-196度既招牌甜品，造型卖相好靓，食落完全系饮食界既冰火，好多啤梨果肉同酱汁，唔会过甜够浓郁，好难得既饮食经验。
最后到雪糕同埋一条包装得好靓既春卷，比较特别既系甜既春卷，食落唔油腻加埋内面既饀料，作为一餐既结尾实在合适。
依餐因为开左枝酒既关系，所以都算几贵。不过作为一年一次既生日庆祝，都系觉得物有所值。
张贴
