影片
更多
2011-03-30
279 浏览
喺湾仔返左咁耐工都未听过依间私房菜；日日行过佢栋大厦都唔知入面有野食，真系失礼。上网调查先知原来名门个大厨胡师傅系阿一个徒弟（原来大厦门口真系有个印有胡师傅个样既易拉架做宣传架）；哗，咁有来头，唔洗问收费唔方平得去边啦，好彩今次有人请。平时私房菜既地方好细，不过名门都算大，大厅放左五六张中型散枱都唔觉逼，入面重有间坐倒十四人既房。室内装修虽然有少少老土，但总算光猛整洁。可能主人家系VIP啦，我地七个人已经可以坐房（唔知有冇最低消费呢？），而且当晚好多人招呼我地，不过唯一都系斟酒速度唔够快。落单𠮶位哥哥仔好落力地介绍不同既招牌菜，解释佢地煮法好为食客健康著想，所以尽量少用油。而每道𩠌黎既时候，佢都会详尽地讲解下，以及听取大家有咩意见，态度非常认真。总括黎讲食物质素都几参差，所以有赞有弹，而家等我续一报告下先： 姜葱煎焗鱼云煲：第一赞，热辣辣；第二赞，干身唔油腻；第三赞，皮脆香口，送酒一流！ 椒盐田鸡腿：虽然炸得好脆好干身，但系因为粉太厚，唔系好食倒瘦小既田鸡腿，就算椒盐味道几好都冇用，“口徒”功夫。我相信如果少四分三既粉会好正啰。 顺德焗鱼肠（$98）：招牌菜之一；上紧枱既时候重听倒吱吱
平时私房菜既地方好细，不过名门都算大，大厅放左五六张中型散枱都唔觉逼，入面重有间坐倒十四人既房。室内装修虽然有少少老土，但总算光猛整洁。
可能主人家系VIP啦，我地七个人已经可以坐房（唔知有冇最低消费呢？），而且当晚好多人招呼我地，不过唯一都系斟酒速度唔够快。落单𠮶位哥哥仔好落力地介绍不同既招牌菜，解释佢地煮法好为食客健康著想，所以尽量少用油。而每道𩠌黎既时候，佢都会详尽地讲解下，以及听取大家有咩意见，态度非常认真。总括黎讲食物质素都几参差，所以有赞有弹，而家等我续一报告下先：
姜葱煎焗鱼云煲：第一赞，热辣辣；第二赞，干身唔油腻；第三赞，皮脆香口，送酒一流！
椒盐田鸡腿：虽然炸得好脆好干身，但系因为粉太厚，唔系好食倒瘦小既田鸡腿，就算椒盐味道几好都冇用，“口徒”功夫。我相信如果少四分三既粉会好正啰。
顺德焗鱼肠（$98）：招牌菜之一；上紧枱既时候重听倒吱吱声既油声，不过食落反而觉得唔系好够鱼油，唔够肥美。哥哥仔解释话因为好多客人食后反映过太多油唔系好健康，所以师傅从此就放少左油。其实值得赞既地方都有既：面层个蛋焗得好香脆，个馅都好松，而且鱼肠一Ｄ都唔腥。个人觉得如果味道可以浓Ｄ同埋多返Ｄ鱼油，个𩠌会好食好多。
名门招牌焗响螺（每只$78）：配料包括瑶柱，洋葱，梅菜同猪肉；可能足料得滞所以味道有少少咸。口感好似食紧猪肉丸咁，唔可以话好精彩，只能说ＯＫ啦，所以有少少唔明点做招牌菜。
柚皮：好简单既一味；叫左一条厚同一条薄，两条都咁腍咁入味，个汁重可以留埋黎送饭添。
豉油皇煎花虾（每只$78）：加码豉油另上，令卖相好干爽，虾亦唔会浸到酶哂。小弟食亲依味都系食虾唔lur壳既，因为个味道喺哂个虾壳到，切开左黎食咪冇哂味啰；师傅果然有料到，个虾壳好脆，而且冇乜渣，低赞！。虾肉鲜甜，加上带甜既豉油好啱我口味，下次黎一定会再叫，必吃推介。
炒肚尖（加大）：颜色就靓啦，可惜Ｄ肚尖真系好尖，又薄又细，而且份量唔似系加料啰。肚尖切到咁幼细所以好爽口，不过同配料既味菜一样冇乜味；同桌既主妇们解释话味菜唔够味既原因应该系冇用糖腌过（主妇KO大师傅? ）
凉瓜生筋炆蟹煲：小弟唔食蟹既，所以只系食左苦瓜同生筋。苦瓜好苦好硬，生筋就好入味。据蟹后们妈咪同契妈得知𠮶蟹因为煮得太熟所以Ｄ肉好嚡，所以不吃也吧。
名门秘制骨：又系另一道用埋自己餐厅个名既招牌菜。虽然外表冇烟，不过食时小心烫伤条脷呀，因为真系好似韦达骑𠮶Ｄ马咁，好热！个皮好脆，但系个肉唔够松，不过都好好食，不妨一试。
生炒糯米饭（$148）：太多油，唔够干身，不过胜在多肠，所以好好味；大家叫既时候记得叫佢少油。当晚主妇们讲起先知原来依味饭唔系全糯米做，而系要沟最少两种米先唔会咁溜既。
肉丝炒面（加芽菜）：好大碟既例牌，唔知关唔关加芽菜事呢？个面好脆，而且少油，肉丝同面既比例都好正常，而且食落唔系好肥腻。
因为今次人地请客，所以冇机会睇名门个餐牌记录单价，只偷听倒埋单个数系三千大元。每人要成四旧几，真系好似食名气咁，唔系好抵啰。张贴
