都薈廊

营业中

休息中

今日放假，去咗We Go Mall嘅Metro Cafe食下午茶。原来下午茶餐同午后轻食做紧Buy one get one free。叫咗两个餐，一个系菠菜烤鸡忌廉汁意大利粉，加多一个意大利芝士蕃茄薄饼，跟餐仲有饮品。意粉卖相唔错，份量刚好，鸡肉好嫩，忌廉汁啱啱好挂晒啲意粉。至于芝士蕃茄薄饼，蕃茄酱同芝士份量唔够多，所以味道比较淡，薄饼上面加咗四片蕃茄就似系装饰多啲😂😂，不过薄饼底反而又几好食㖞，唔会太厚太硬。食物卖相同味道，整体而言我觉得唔错，重点系有买一送一，咁就非常抵食啦！