義利燒臘飯店

营业中

休息中

今日经过呢间烧腊店，见唔少人排队，又见到d叉烧几靓，就淰住买返份返屋企加𩠌。买嘅时候，同姐姐讲要一份叉烧，多汁嘅。之后明明见到砍叉烧个阿叔，比左旧半肥瘦大大旧嘅叉烧去磅，跟住比左我望左一眼，就去左隔离砍啦。我就挂住比钱阿姐，佢收我40蚊。转个头好快盒叉烧就比到我啦，都奇怪，好似无点听到砍叉烧嘅声(好似得几下)。返到屋企打开一睇，完全唔系果回事，请问边间烧腊店砍叉烧会砍粒比客人嘅，同埋，半肥瘦去左边，呢盒全部都系又瘦又干，系淰住我买返屋企用黎炒饭？定系宜家所有叉烧都系砍粒，唔系砍件嘅？果几下砍叉烧声就可以极速砍成叉烧粒。难道个阿叔系无影手？定系砧板系无声砧板，声都无么。宜家市道唔好，生意难做大家都知，但甘样做生意，真系唔可取。希望餐厅可以改善下。