新星海鮮酒家 (已結業)

奶皇流沙包系今时今日既酒楼买小见小。早几年，去饮茶既时候，十间有八间都有得叫。今时今日，十间有八间　唔系冇得卖，就系转哂咩芝麻流沙包其他包。呢间酒家出名打边炉，　但自从有一次去左饮茶，　呢间野就成为左我既非弗。当呢笼奶皇放到上台面，蒸气从包面散出，即刻忍唔住拎一个上手。热力即刻传递到手里，顶唔顺要掉黎掉去。当开始可以一只手拎住既时侯，即刻对住包边咬一啖，　再望望个包，金黄色既浆流出来　吹一吹　之后再大大啖咬洛去。　包同浆互相融埋一齐，真系冇得顶。