阿不 (已結業)

寻日落大雨冇乜地方去揸车去咗K11购物馆食个晏昼，嚟咗呢间「阿不」，四个人叫咗四碟小菜set，埋单6百蚊左右，整体算满意既。🤔黑椒金薯牛肉粒：牛肉切得太碎，其实可以分量一样，但宁愿切得大旧啲但无咁多粒咪得啰。因为煮嘅方式系用油炸既，所以大旧啲落获炸至少食落无咁干身。🤔西兰花带子：中规中矩冇乜特别。😋黑松露虎虾仁炒蛋：呢个不错，黑松露味道好浓，虾仁亦都好爽口，够大只，要赞！😋蜜栈榄角骨：呢个就几出色啦，好少食咁嘅味道配搭，骨炸得香口但唔会油腻，蜜汁做到有啲拉丝。值得一试！今餐最推介！环境服务：干净，职员有礼貌，招呼不错！