六安居

营业中

休息中

饮茶呢个香港文化随著时代都改变了，而家嘅酒楼都系划点心纸。要体验怀旧酒楼，自己拎点心咭去睇下点心车有咩食，真系买少见少。嘈杂人声，碗碟嘅铿锵，点心姨姨叫卖声，大水煲烟气上腾，呢啲声响景象如进入时光隧道，回到小时候。今日嚟到又遇上怀旧点心--猪润烧卖，点都要试下。🥢猪润烧卖成块猪润横放系冇烧卖皮嘅烧卖上，好豪气。猪润味较浓，不是个个能接受😅，猪肉虾肉爽口。🥢腐皮盒未见过正方盒子嘅点心，原来叫腐皮盒，姨姨会帮你剪开四份，食落似腐皮卷，味道唔错。🥢沙翁入口香甜松化，见到就要拎，必食。🥢炸云吞香脆唔油腻，好食。🥢虾饺正正常常。🥢鸡包仔唔错。🥢叉烧赖粉(碗) 系怀旧味道嘅蜜汁叉烧，赖粉滑，大碗。