買得爽 (已結業)

买得爽已经开咗好几年，最初面包买一送一，中过伏之后无再帮衬，之后佢又学台湾出脏脏包，我无兴趣试，而家又嚟古早蛋糕，大大个banner 话$30，我网上睇完食评都算ok，点知伏到一个点！🥢原味古早蛋糕 $30👎🏻👎🏻👎🏻👎🏻👎🏻去到见蛋糕其貌不扬真系唔想买，不过既然特登过到嚟，比$30唔好食都ok嘅，返到屋企再切一件睇睇同试食，果然同眼见嘅一样，深色蛋糕口感比较硬，浅色系较软熟，但总括嚟讲蛋糕系唔松软，蛋味又唔够，甜度适中，咁嘅质素同我之前介绍过同区嘅香绵绵完全冇得比，简直系浪费金钱，一定唔会再有下次！