Three Dice Kitchen (已結業)

朋友话佢好想试分子料理，就拉埋我一齐去食，因为佢听闻呢度食分子料理够经济。头盘黎呢只匙，上面有粒橙色波，初头估唔到系乜，后尾见到橙色波下面有块火腿，我就知系乜啦。橙色波系哈蜜瓜黎，下面系西班牙风干火腿，仲系黑毛猪添。食落橙波够水份之余又够滑，块火腿就无乜脂肪，仲好有猪既鲜味，咁做法系增加左口感。另一味系呢杯啡色饮品，仲以为系咖啡之时，就闻到一阵浓烈龙虾味，原来呢一杯系龙虾mousse, 口感好独特，好似食紧泡泡咁样但坚系龙虾味，而配埋上面条葱再加埋鱼子酱，真系从未试过咁豪华既mousse.最后就有呢盅野，厨师将一阵烟喷入去之后，叫我地等几分钟先打开，一打开原来系一旧三文鱼黎，系烟薰三文鱼呀。配料用上香草同洋葱，仲有olive oil，三文鱼外围较熟，里边就较生，食完一旧好想再食第二旧呀。三旧水唔使食到分子料理，系一次几特别既体验。