芝士面

营业中

休息中

有一晚喺天水围新北江揾嘢食，见间间都差唔多样，求其入咗一间试吓，点知有意想唔到嘅惊喜！首先一望餐牌，不出所料都系贴地嘅价钱，抱住平平哋试吓嘅心态，我餐牌上边好多嘢都啱食，但系我一个人，就净系试咗避风塘鸡翼、新疆猪扒拼薯条同埋中华沙律。个避风塘鸡翼真系炸得恰到好处，唔会好肥腻好油食落去都冇好热气嘅感觉，个避风塘味道好出，d炸蒜好香呀，加埋个泰式辣酱真系一流！跟住个新疆猪扒拼薯条，我估唔到系咁大兜啊，有成十几条猪扒，啲薯条都好粗好长，好彩我够大食。最后连个中华沙律我都要赞一赞，因为佢系比较干身，我最惊𠮶啲中华沙律浸到发晒张湿滴滴，然后当然因为佢都好大碗，正呀！不过当然𠮶度环境一定就唔系靓㗎啦，系坐得迫啲，但我体谅嘅，而服务都唔算太好，所以如果食环境食服务嘅朋友，就唔好咁大期望啦，因为呢度真系食份量食味道嘅。