戀 (太子集團中心) (已結業)

尖沙咀嘅太子集团中心最近多咗新餐厅，「恋」就系其中一间，主打串烧嘅日本居酒屋，午市定食除咗串烧外，亦提供鱼生、天妇罗、锅物等选择。吉列大虾 - 虽然比较厚粉，不过都炸到好香口。火炙寿司并盘 - 正正常常，虽然叫火炙，不过都有几嚿冇火炙嘅，鱼生都算新鲜。串烧方面，虽然上枱时唔算好热，不过餐厅都好贴心准备咗烤盘，唔够热可以喺铁板上加热。串烧三式拼盘配烧饭团(酱烧鸡肉、盐曲五花腩、厚切安格斯牛) - 虽然话三式，不过鸡肉有两串，调味不会太咸。五花腩好够香，牛肉就比较干身。串烧四式拼盘配烧饭团(五花荔枝肉、厚切安格斯牛、厚切牛舌、汁烧鸡翼) - 五花荔枝肉，荔枝中和了咗五花肉嘅肥腻，牛舌方面都系偏干身，反而鸡翼仍然保持肉汁，鸡皮亦烧到好香口。枫糖鲜果窝夫 - 意外地非常好食，口感松脆，而且唔会太甜。开张赠送:八式拼盘 - 因为系经openrice订位，4人或以上会送上八式拼盘，超级丰富。另外，餐厅亦都设有冰柜，可以任食吱吱冰。