影片
更多
2020-12-28
2718 浏览
今日介绍一间位于中环位置非常隐世既日式吉列猪扒名店，佢有两个入口，一个入口系砵典乍街一条窄巷入边行好耐先揾到，另一个入口喺威灵顿街，望落去好唔起眼，要行到落地库先知系一间咁嘅餐厅。由2017年8月开业至今，虽然位置隐闭，但食店不乏人龙，每每由地库排到去楼梯嘅中部。唔讲唔知，呢间porker其实系中环同区内既日式烧肉店 298 Nikuya既姐妹店。而猪扒仲系用熟成方法处理，熟成牛就听得多，系一种于低温下，令牛肉的天然酵素发酵，令牛扒的肉味提升、肉质松化。不过熟成豚就比较小听到同罕见。餐厅主打来自鹿儿岛三元豚，系一种肉味浓郁而肉质松化既铭柄豚，铭柄猪都系经过配种改良既特选猪，因为生长环境条件唔同，孕育出来既猪肉都系各有特色。铭柄豚不论是口感、油花或肉质完全不输高级牛肉。因为猪肉屠宰之后，肉质会好快变硬，所以熟成系用0-5度既温度作低温冷藏，等待大概30-40日，等酵素分解产生发酵作用，由猪肉本身既蛋白水解酶催化作用，分解猪肉既肌原纤维，再由农场真空直送到港，令熟成既豚肉肉质变得更柔嫩，唔驶用其他店既加工方法，都可以做出又厚又松化既吉列豚。而三元豚会由日本真空直送，再以慢热加温方式烹调，令
今日介绍一间位于中环位置非常隐世既日式吉列猪扒名店，佢有两个入口，一个入口系砵典乍街一条窄巷入边行好耐先揾到，另一个入口喺威灵顿街，望落去好唔起眼，要行到落地库先知系一间咁嘅餐厅。由2017年8月开业至今，虽然位置隐闭，但食店不乏人龙，每每由地库排到去楼梯嘅中部。唔讲唔知，呢间porker其实系中环同区内既日式烧肉店 298 Nikuya既姐妹店。
而猪扒仲系用熟成方法处理，熟成牛就听得多，系一种于低温下，令牛肉的天然酵素发酵，令牛扒的肉味提升、肉质松化。不过熟成豚就比较小听到同罕见。
餐厅主打来自鹿儿岛三元豚，系一种肉味浓郁而肉质松化既铭柄豚，铭柄猪都系经过配种改良既特选猪，因为生长环境条件唔同，孕育出来既猪肉都系各有特色。
铭柄豚不论是口感、油花或肉质完全不输高级牛肉。因为猪肉屠宰之后，肉质会好快变硬，所以熟成系用0-5度既温度作低温冷藏，等待大概30-40日，等酵素分解产生发酵作用，由猪肉本身既蛋白水解酶催化作用，分解猪肉既肌原纤维，再由农场真空直送到港，令熟成既豚肉肉质变得更柔嫩，唔驶用其他店既加工方法，都可以做出又厚又松化既吉列豚。而三元豚会由日本真空直送，再以慢热加温方式烹调，令吉列豚可以做到粉嫩色泽既半熟状态。
而呢间铺头既特色系吉列猪扒都系日本师傅炸，质素来讲系非常接近日本，由炸衣的色泽、肉汁及酱汁都表现出色，不过价钱就唔系日本价钱，系香港价钱，相对冇咁平民。喺日本食吉列猪扒可能都只系千几円，大约100蚊港币，依度嘅价钱差唔多贵一倍，接近160到200几，但要喺香港食到日本质素嘅吉列猪扒已经好难得。
-
排队🧍♀️🧍🧍♂️
餐厅有落场时间，再加上如果想食限定既肉眼定食唔可以系每个时段太迟去。
排队系由落到去地库既门口开始，所以如果系威灵顿街经过系睇唔到有无人龙，如果有人龙会落楼梯到一半就见到。当日系星期日晏就接近1点到达餐厅，前面大概有8-10个人，楼梯无冷气所以夏天黎排队会有D热，就黎排到入去时店员会比定餐牌比我地拣食咩，咁系入去前就可以入定单唔驶等咁耐，大概等左20分钟到就入得。
-
环境🪑
店铺有分BAR台同普通枱。BAR台位大概有6个，大约有2张2人枱，3张4人枱，位置唔算多。因为店舖夜晚会变酒吧，BAR台前会见到好多酒，厨房墙都摆左好多酒。
装潢系好洋食风既居酒屋，BAR台有唔同射灯照住唔同角落，而音乐以70、80年代为主。
-
Menu
店铺提供9个定食套餐，其中以肉眼、西冷同猪柳定食最为热门，肉眼更加系限量供应，如果想一次过试哂最招牌既定食可以两个人黎食，一个叫porket set(西冷、猪柳)，一个叫aged pork ribeye set(肉眼)。
系未点餐之前店员会送上一杯冰冻既麦茶，系一杯好饮麦茶但味道似曾相识，感觉有曾经系donki买过类似既麦茶，夏天饮到真系格外凉快。
麦茶
52 浏览
2 赞好
0 留言
-
1️⃣ 熟成豚西冷及猪柳定食 💰210（👅: 9/10）
定食
20 浏览
3 赞好
0 留言
熟成豚西冷及猪柳定食
$210
19 浏览
3 赞好
0 留言
首先个定食包六样嘢，第一样系通常吉列猪扒定食都会有嘅椰菜丝，之后系薯蓉、面豉汤、渍物，最后系饭同埋猪扒。
椰菜丝温度够冻，而且切得好碎，唔会一咬落去食到有大块有细块嘅椰菜丝，椰菜丝加左类似苏叶碎既香草，感觉清新，口感好爽脆，而且仲带一啲水份。加上店舖提供嘅芝麻酱之后非常好食，除咗芝麻酱仲有柚子汁，食落完全无草青味。
完全系可以减低食猪扒个种油腻感，而且椰菜丝系可以无限追加。
薯蓉
75 浏览
2 赞好
0 留言
薯蓉本身带少少酸味，但呢种酸味非常开胃，应该系加蛋黄酱打成泥，会一啖接一啖，质感系非常棉袜软糯，好creamy，睇落系好普通嘅薯蓉但系绝对有惊喜。
面豉汤
14 浏览
3 赞好
0 留言
面豉汤味道适中，唔会过咸，汤入边都有好多款蔬菜好似唔同种类嘅大根、红萝卜、葱、牛蒡，而且仲食到少少猪肉碎，唔系马虎自己都整到嘅质素。
饭本身系用日本珍珠米，质地系比较黏身一啲，系可以轻易用筷子夹起啲饭。
熟成豚西冷及猪柳定食
$210
16 浏览
3 赞好
0 留言
最后讲定食嘅主角，猪扒表皮好脆，但略嫌厚左小小，如果皮再薄小小好似入口即溶变成一啖油会更完美。皮虽小厚但好酥脆，因为佢既外层系混合三种面包糠，并刻意将部份面包糠切成大粒，再铺满日本小麦粉及蛋浆，加上适当既油炸时间同温度处理，令口感更为香脆。部分炸皮会同肉分离，都系可再改善既地方。
熟成豚西冷及猪柳定食
$210
30 浏览
2 赞好
0 留言
食落西冷同猪柳既分别就系，西冷嘅肉味会比较重一啲，猪柳就比较腍身啲，但冇咩油脂感。
炸猪扒会有两种酱料提供，一个系吉列酱，另一个就系喜马拉雅山粉红岩盐，通常喺日本食吉列猪扒都系提供依两款调味，咁食客就可以跟自己喜好去点。吉列酱系自家制，用赤味噌、红酒、蜜糖调配出黎，入口会食到几突出既红酒味，同平时食到既酱汁有分别。
我个人比较喜欢点盐，因为盐可以带起猪扒既肉味，而猪扒酱有时味道会好重抢过猪肉味。其实就算唔加酱汁个猪扒都好食，可以好专心咁品尝猪扒嘅肉味同质感。
-
2️⃣ 吉列熟成豚肉肉眼定食💰195（👅: 9.5/10）
吉列熟成豚肉肉眼定食
$195
8 浏览
4 赞好
0 留言
有Menu可以睇到依个定食系限定，即系有数量限制，卖晒就冇，所以想食嘅就最好早啲嚟。
同猪扒猪柳定食一样都系会有六种食物，所以以下就主要讲肉眼。
同猪扒猪柳一样，表皮炸到金黄香脆，但肉眼既肉汁非常丰富，肉眼嘅油脂咁会比较重一啲，油脂分布非常明显，会见到一层肉、一层油、一层肉分明，肥瘦均称，将炸衣咬开之后会食到猪肉油脂嘅味道，但系系非常好味。肉处理得非常好，非常软熟但唔会好韧，非常嫩滑真系外脆内软，比起西冷同埋猪柳，更加之松软同埋肉汁更加丰富。
吉列熟成豚肉肉眼定食
$195
26 浏览
2 赞好
0 留言
而肉眼好明显可以睇到肉嘅中心部份都系粉嫩红色，证明系用新鲜猪肉，再经过低温慢煮处理，保留肉汁，锁住到滋味，处理得非常好。我个人特别锥意食肉眼近边位既根部，感觉肉汁最丰富，油脂感爆发哂出黎。
试过肉眼、西冷同猪柳，我觉得最钟意系肉眼，因为可以食到层次分明既肉感同油脂。因为个个人口味都唔同，友人就比较喜欢西冷，视乎每个人钟意食猪肉既咩优点。
而我觉得呢间铺既猪扒可以咁好食，比起料理手法，更加系因为猪扒本身个质数好好，平实既料理手法已经好好食。
-
🌟可以系香港食到质数如此接近日本质数既猪扒，而且系好罕有既熟成三元豚做成既吉列猪扒，味道同质数并唔系香港其他吉列猪扒店丼吉、胜博殿、吉豚屋可以媲美。
之前有提及过PORKER夜晚会变酒吧，其实PORKER既创店理念，系想人系日本工作过后，同朋友、同事一边享受晚饭、一边举杯畅饮，系好典型既日本文化，唔只系食猪扒，而系一个饮酒放松既地方。
虽然位置隐蔽，人龙不绝，但呢间小店反而比到一种置身系日本既感觉，无华丽既装潢，却有平实而满足既味道，绝对值得一试再试。
-
👅味道: 9/10
🍴环境: 7/10
💰消费: $223 (服务费: 10%)
张贴
