影片
更多
2019-05-25
1048 浏览
见好耐无饮茶，于是就系公司附近揾间酒楼买点心做早餐哩间酒楼我都系第一次帮衬，行去收银度问收银姐姐要点心纸想嗌外卖收银姐姐即刻黑面叫同事"拎张正价嘅俾佢"(点心纸上面写住早市7折，我唔知外卖有无折，所以都无乜所谓嗌啦)嗌左以下6样，其实都几贵...问题唔系在于价钱，系在于收银姐姐嘅态度！攞到点心纸后，我行开一边谂食乜，之后就行去收银柜台点餐，因为手上无笔，又唔系点好多，所以就系柜台快速圈左两下。收银："行开一边写"我："你支笔串住晒，我行唔开"收银掉支红笔过黎，系掉！唔系攞！收银："行开一边"(佢当我系狗？收银姐姐啲语气真系好似叫狗咁架...)到左收钱，问佢要返张单，依然系掉俾你！收银姐姐个样系全程黑面，语气极差！我真系忍住唔同佢嘈，哩间野真系自尊心高啲，面皮薄啲，EQ低啲嘅人都唔好去食...外卖嘅唔系客？定外卖唔使俾钱？如果间食店系唔做外卖嘅大可以同人讲，唔使用啲咁嘅态度啰...本人自问全个过程都真系好有礼貌，唔该前唔该后，都唔系一入黎就粗声粗气。其实收银姐姐唔想做咪唔好返工啰！一朝起身咁嘅面口，财神见到都走。然后返到公司打开袋点心...俾少左烧卖啰...打去问酒楼，佢地竟然叫我去拎返
哩间酒楼我都系第一次帮衬，行去收银度问收银姐姐要点心纸想嗌外卖
收银姐姐即刻黑面叫同事"拎张正价嘅俾佢"
(点心纸上面写住早市7折，我唔知外卖有无折，所以都无乜所谓嗌啦)
嗌左以下6样，其实都几贵...
问题唔系在于价钱，系在于收银姐姐嘅态度！
攞到点心纸后，我行开一边谂食乜，之后就行去收银柜台点餐，因为手上无笔，又唔系点好多，所以就系柜台快速圈左两下。
收银："行开一边写"
我："你支笔串住晒，我行唔开"
收银掉支红笔过黎，系掉！唔系攞！
收银："行开一边"
(佢当我系狗？收银姐姐啲语气真系好似叫狗咁架...)
到左收钱，问佢要返张单，依然系掉俾你！
收银姐姐个样系全程黑面，语气极差！
我真系忍住唔同佢嘈，哩间野真系自尊心高啲，面皮薄啲，EQ低啲嘅人都唔好去食.
..
外卖嘅唔系客？定外卖唔使俾钱？如果间食店系唔做外卖嘅大可以同人讲，唔使用啲咁嘅态度啰...
本人自问全个过程都真系好有礼貌，唔该前唔该后，都唔系一入黎就粗声粗气。
其实收银姐姐唔想做咪唔好返工啰！一朝起身咁嘅面口，财神见到都走。
然后返到公司打开袋点心...
俾少左烧卖啰...
打去问酒楼，佢地竟然叫我去拎返盒烧卖...
真系火都黎！攞乜野攞呀？你执少俾我，我仲要过黎攞返？
最后酒楼肯退钱
(其实本身都懒得行来行去，几十蚊算数，但一早俾人黑面，又要执漏野搞到无得食，仲要大安旨意咁叫我去攞返"盒烧卖"！滚滚地系都要佢退返钱！最后净系退返34蚊~咁收左我个盒钱呢？)
真心间酒楼野食味道唔差嘅，但服务态度咁真系好难再去！
(带子肠得3粒柱贝仔，收29蚊，不吃也罢。
翠瓜稞虽然系粉稞皮，但有大粒虾肉，食佢好过食虾饺。
抄手大大粒，红油分开上，而且好惹味。)
张贴
