影片
更多
2023-06-15
314 浏览
长文，慎入。麦记我食左好多年，由我中学，佢老豆开，食到宜家佢个仔接手，我个仔读中学都仲有食。但今日买外卖既经验，真系令我好嬲好嬲。今次系我第一次帮衬新店，其实一知佢开新店，已经好期待，谂住揾日要去食下,因为有冷气有得坐，唔使好似以前咁”茂“响街边。今日我仔话想食佢啲辣鱼蛋，咁我就12点15分左右落去，谂住买埋啲生煎包锅贴做午餐。好啦，我一落去，系有几枱客既，有个女人等紧外卖，我行埋收银机，问老细有冇餐牌，佢无理我，继续专心入佢张单。另一个身型庞大既阿姐就帮紧枱堂食客落单，我听到呢位阿姐同枱堂食客讲，等老细落埋张单先帮佢落，但其实老细系入紧前面张单，完全无理过我。好啦，等老细入完佢张单，我话我想要餐牌，佢就响收银机范围自转左一个圏，无俾任何回应我，然后有个矮矮地既阿姐就叫老细响门口张枱拎本餐牌俾我。咁果个庞大阿姐呢个时候就过去收银机入单喇，我就想行过去问下佢一串鱼蛋几多粒，点知佢真系好野，佢竖起只手指响咀前面，殊我叫我唔好嘈（我后尾睇到佢对之后买外卖既客都系咁），然后我无出声，只系行前左一步，完全无出过一粒声，佢竟然右手继续入单，用左手掩左向住我既左耳，我真系第一次见有人咁招呼食客，好出
麦记我食左好多年，由我中学，佢老豆开，食到宜家佢个仔接手，我个仔读中学都仲有食。
但今日买外卖既经验，真系令我好嬲好嬲。
今次系我第一次帮衬新店，其实一知佢开新店，已经好期待，谂住揾日要去食下,因为有冷气有得坐，唔使好似以前咁”茂“响街边。
今日我仔话想食佢啲辣鱼蛋，咁我就12点15分左右落去，谂住买埋啲生煎包锅贴做午餐。
好啦，我一落去，系有几枱客既，有个女人等紧外卖，我行埋收银机，问老细有冇餐牌，佢无理我，继续专心入佢张单。另一个身型庞大既阿姐就帮紧枱堂食客落单，我听到呢位阿姐同枱堂食客讲，等老细落埋张单先帮佢落，但其实老细系入紧前面张单，完全无理过我。
好啦，等老细入完佢张单，我话我想要餐牌，佢就响收银机范围自转左一个圏，无俾任何回应我，然后有个矮矮地既阿姐就叫老细响门口张枱拎本餐牌俾我。
咁果个庞大阿姐呢个时候就过去收银机入单喇，我就想行过去问下佢一串鱼蛋几多粒，点知佢真系好野，佢竖起只手指响咀前面，殊我叫我唔好嘈（我后尾睇到佢对之后买外卖既客都系咁），然后我无出声，只系行前左一步，完全无出过一粒声，佢竟然右手继续入单，用左手掩左向住我既左耳，我真系第一次见有人咁招呼食客，好出色。我觉得你可以叫我等一阵，但佢既肢体动作令我觉得好唔舒服。
然后佢搞掂佢张单喇，表示批准我嗌野啦，过程中系咁唔好意思，又靓女又盛，其实可以专心番个服务，做少啲小动作既。
我叫左9只生煎包，9只锅贴，4串鱼蛋
。佢指住刚放落镬既半盘锅贴，同我讲要等，我话无所谓。然后都唔想阻住人门口，出左去等。但等左10分钟左右，我惊佢嗌number我会听唔到，而且又开始多人叫外卖，所以我入番去。
我张单尾数系23,我入去，我入去听到3X，甚至4X都叫左，但仲未叫我，但我无出声催，费事又俾人殊，跟住我听到庞大阿姐系咁话锅贴要等，咁我就谂，难道我之后果十张单都无人叫锅贴，所以唔使等？咁我唯有就一路等啦。中途见佢入单，包外卖，出餐，俾外卖既过程都好混乱，都有错漏，果啲我唔讲喇。
跟住最嬲系我听到庞大阿姐同另一个阿姐讲，因为有张大单，我唔知佢系咪将我头先见到盘锅贴俾哂啲大单啦，终于我12：22分落单，因为我赶住要接个女校车，所以叫个仔落黎接力等外卖，我都真系第一次。
然后我12：54whatsapp阿仔问佢等到未，佢话未。最后应该等到1点先拎到。（因为佢1：03先影俾我睇话番左屋企，而我地只系住落上。）
其实佢慢唔紧要，我落单果阵佢掩住耳仔我真系chok住条气，佢之后几好口都无用。
然后我同我个仔等外卖加埋等左8个字，我自己卖番屋企煎都煎好两底啦，仲要俾我听到佢俾哂啲锅贴俾大单，后我十张八张飞既人都走哂。
我好少好少响呢到写野，今次可能都系第二次，但真系好嬲，我仔话以后都唔食，其实佢细铺时要等都唔会咁离谱，如果下次真系好想食，我会番细铺叫，好大部分原因系唔想再见到个庞大阿姐要俾佢殊。
by the way,讲番食物正正常常不过不失，但锅贴个馅好似有啲细，生煎包个馅又有啲太林，烂烂地，无乜咬口，但多汁既，不过我本身钟意食皮多过馅，所以对馅无乜要求。
呻完
张贴