影片
更多
2016-06-12
781 浏览
蜜友嘅法国男朋友就快生日啦，佢上网搜集左好多法国餐厅既资料，希望俾个生日惊喜佢。但系香港好多法国餐厅其实又唔系法国大厨炮制，有啲菜式又偏向港式口味，或者过于普通，我地其实都唔知正宗法国既fine dinner 系点，所以俾唔到提议。尤其是佢男朋友系法国人，一定要求高。最后佢拣定咗 La Saison by Jacques Barnachon. 一来系由法国有名既大厨负责，而且全为季节性创作料理，三来拥有米芝莲荣誉，食客好评如潮。四来环境高档有气氛，所以佢对自己既选择充满信心。为咗百无一失，我哋今日就约咗嚟呢度试吓菜先。一黎了解下个Menu有咩食，二来我女朋友对今次嘅约会好紧张，惊到时黎到唔识唔识叫菜会失礼，所以今晚约埋嚟，自己叹翻一次先。听佢介绍完呢间餐厅嘅背景，我都非常之有兴趣，讲唔定迟啲到我约会时，我都可以拣呢间餐厅为首选。从餐厅嘅专用电梯直上到达餐厅门口，一边系雪茄室，另一边嘅就系餐厅了。步入餐厅，豪华嘅气派、优雅嘅灯光，真诚既服务，令人有如贵宾嘅虚荣感。一坐底，店长就介绍今季既菜式由Executive Chef , Florian Muller 所创作，并听从我地中意食咩菜式，
但系香港好多法国餐厅其实又唔系法国大厨炮制，有啲菜式又偏向港式口味，或者过于普通，我地其实都唔知正宗法国既fine dinner 系点，所以俾唔到提议。尤其是佢男朋友系法国人，一定要求高。最后佢拣定咗 La Saison by Jacques Barnachon.
一来系由法国有名既大厨负责，而且全为季节性创作料理，三来拥有米芝莲荣誉，食客好评如潮。四来环境高档有气氛，所以佢对自己既选择充满信心。
为咗百无一失，我哋今日就约咗嚟呢度试吓菜先。一黎了解下个Menu有咩食，二来我女朋友对今次嘅约会好紧张，惊到时黎到唔识唔识叫菜会失礼，所以今晚约埋嚟，自己叹翻一次先。
听佢介绍完呢间餐厅嘅背景，我都非常之有兴趣，讲唔定迟啲到我约会时，我都可以拣呢间餐厅为首选。
从餐厅嘅专用电梯直上到达餐厅门口，一边系雪茄室，另一边嘅就系餐厅了。
步入餐厅，豪华嘅气派、优雅嘅灯光，真诚既服务，令人有如贵宾嘅虚荣感。
一坐底，店长就介绍今季既菜式由Executive Chef , Florian Muller 所创作，并听从我地中意食咩菜式，佢好乐意为我地推介相关美食。佢咁贴心嘅服务正合我地心意。因为我哋今日黎嘅其中一个目的，就系好好了解呢度究竟食啲乜野，同埋学吓法国菜嘅特色，原本以为餐单上只会有法文加英文嘅菜名，好彩佢哋都有埋中文介绍，令我地选菜式时冇咁尴尬。
我决定先黎个靓汤做头盘吧。系选择嘅时候先问一问店长既介绍。女友顺便都问下每道菜用咩食材同做法，等下次同男友黎都有的话题。
店长话佢地呢度嘅龙虾汤，系法国大厨用最少两日时间所创造，龙虾汤为左做到原汁原味，啖啖精华，系经过过滤压缩再过滤，务求每啖汤都浓郁而清彻，没有一点一滴既杂质。
啖啖都系心血，配上香煎鸭肝呢道矜贵嘅食材，一听到我已经急不及待order呢一款头盘。
Pan Fried Foie Grab HK 368
香煎鸭肝及水晶湾蓝壳虾配八角虾清汤，HK 368 系超值的价钱。
上枱时，肥美而大件既鸭肝成焦点。
跟住，店员把啖啖精华既虾汤慢慢注入碟中，好中意呢个 presentation !
呢个八角虾汤同我哋平时饮嘅龙虾汤，质感同口味完全唔同。水晶湾蓝壳虾系夏季当造之海鲜，身处无污染既水晶湾，可以品尝到呢度巧手名菜，真系幸福。香煎鸭肝煎得不油不腻，外脆内软。肉质较鹅肝清爽，香滑无甘油腻。
选取八角虾做汤底系因为八角虾较清甜，做汤能发挥最鲜虾味，加上八角虾同样 为夏季当造，你所当然成为大厨的选材了。由于饮过头啖汤嘅震撼，主菜方面，我再encore 以蓝龙虾及鸭肝及龙虾汤为主材料既Pan Fried Blue Lobster HK 588
难得既美食系百食不厌既。虽然主材料类似，但系烹调出来的菜式又有另一种唔同嘅配搭同口味。呢个就系创意料理嘅魔术。
大厨香煎蓝龙虾，令其口感脆而鲜甜。再将鸭肝切碎配炖蛋，两者都系以滑溜取胜，double effect , 再加上生菜平衡味觉，谁也不抢谁既风头。最后龙虾汤更加系画龙点睛既佳作，也成为整道菜既灵魂。请教左店长佢嘅做法，佢话个龙虾汁系由十几斤龙虾经过烹饪、过滤汤渣、再精煮、再过滤等复杂既程序，最后浓缩到十分一份量既龙虾汁精华先至上碟，所以呢个鲜美同口感，同之前嘅汤系有分别的，就系因为甘浓郁，先至可以做出美味嘅龙虾汁黎点缀成盘菜式。听落真系一啖啖心血既结晶品，大厨对美食嘅执着同埋每道细节嘅讲究，令人折服。终于明白点解佢受无数食客爱载嘅原因。
Moelleux Chocolate HK 98
这道朱古力心太软配开心果雪糕及红莓酱，砌开心太软蛋糕，浓郁既朱古力味慢慢流出来，朱古力香浓， 口味正宗。
开心果雪糕口味较清淡，加埋甜甜酸酸既红莓酱食就啱啱好。Latte and cakes
法式甜品实在令人唔舍得离开，呢度嘅环境亦都令人置身于皇宫嘅感觉，最后我们叫咗杯latte ，再黎多碟小蛋糕甜品，慢慢叹，顺便girl talk 一下。
一口一甜食，幸福至极。Latte 虽然用奶较多，但呢杯latte 既咖啡香仍然脱俗，完全无被鲜奶盖过。咖啡香而无苦涩味，一杯咖啡都做到尽善尽美，好感动。不知不觉坐左三个钟，饮埋最后一啖咖啡，为今晚完美既晚餐作结束。呢度每一道菜既创作、每一个出品既细节同精溢求精既态度、每项服务都贴心温馨。令客人除左有愉快既美食既体验外，更系精神既放松同享受既好地方。
果然名不虚传！会再度光临！
张贴
