影片
更多
2023-11-02
133 浏览
之前见到好多朋友嚟香江花月食已经好想试，因为佢环境真系好靓😍等紧位嘅时候唔惊闷，有个神秘房可以影相📸.入座嘅时候我哋被安排坐喺餐厅正中间梳化位置，好阔落，而且当我哋睇menu 睇到花多眼乱𠮶阵，🥰店员仲好nice咁介绍唔同嘅特色食物，以下系我哋叫咗嘅嘢食：汤底我哋拣咗美颜花胶鸡锅😍欣赏店员嘅细心滚咗煲汤之后另外用碟帮我哋装起啲鸡🐔唔会滚到老晒，可以慢慢食返，个汤几好饮，花胶都几大块，而且鸡味几鲜浓😋享用咗一两碗汤之后就开始烚烚啲嘢食了👏🏻🥩太极🐷🐮两仪系安格斯牛同埋梅花猪肉片两款肉，分别放喺红酒同埋黑松露牛乳上面，油花好均匀好靓😍食落肉质几滑嫩，而且厚度适中，唔会太薄冇咬口🌈七彩饺子、七色丸两款彩色食物净系睇卖相都赏心悦目👏🏻😋佢哋唔同色都有唔同味，饺子就分别系午餐肉粟米、冬菇、虫草花、野菌、金华火腿、黑松露蟹肉同埋牛香茜，我自己最钟意黑松露蟹肉😍；而七色丸分别系蟹子、黑松露、咸蛋黄、红咖喱、青咖喱、椰芋同埋南乳口味嘅墨鱼丸，全部都好弹牙，最特别系咸蛋黄味，几浓郁😋⛵一帆风顺呢个名真系好好听🤣其实佢系秋葵蟹籽墨鱼滑嚟，食落口感唔错，墨鱼滑冠弹牙同埋蟹籽食落教卜卜声🥬🌽花花绿绿个名改得咁
.
入座嘅时候我哋被安排坐喺餐厅正中间梳化位置，好阔落，而且当我哋睇menu 睇到花多眼乱𠮶阵，🥰店员仲好nice咁介绍唔同嘅特色食物，以下系我哋叫咗嘅嘢食：
汤底我哋拣咗美颜花胶鸡锅😍欣赏店员嘅细心滚咗煲汤之后另外用碟帮我哋装起啲鸡🐔唔会滚到老晒，可以慢慢食返，个汤几好饮，花胶都几大块，而且鸡味几鲜浓😋
享用咗一两碗汤之后就开始烚烚啲嘢食了👏🏻
🥩太极🐷🐮两仪
系安格斯牛同埋梅花猪肉片两款肉，分别放喺红酒同埋黑松露牛乳上面，油花好均匀好靓😍食落肉质几滑嫩，而且厚度适中，唔会太薄冇咬口
🌈七彩饺子、七色丸
两款彩色食物净系睇卖相都赏心悦目👏🏻😋佢哋唔同色都有唔同味，饺子就分别系午餐肉粟米、冬菇、虫草花、野菌、金华火腿、黑松露蟹肉同埋牛香茜，我自己最钟意黑松露蟹肉😍；而七色丸分别系蟹子、黑松露、咸蛋黄、红咖喱、青咖喱、椰芋同埋南乳口味嘅墨鱼丸，全部都好弹牙，最特别系咸蛋黄味，几浓郁😋
⛵一帆风顺
呢个名真系好好听🤣其实佢系秋葵蟹籽墨鱼滑嚟，食落口感唔错，墨鱼滑冠弹牙同埋蟹籽食落教卜卜声
🥬🌽花花绿绿
个名改得咁靓，其实系蔬菜嚟嘅，连摆盘都有心机过人🥰平时唔太钟意食菜，见到摆盘咁靓都忍唔住要食多啲
🦆台湾鸭血
男朋友劲钟意食鸭血，话呢个好好食，好嫩滑
🌺花月豪庭+ 🫧奇幻历险
呢两杯特色饮品卖相好可爱🥰花月豪庭嘅面头有清新嘅蜜瓜、奇异果同埋棉花糖蛋糕，好似个花园仔咁，而底下嘅饮品系蓝莓、苹果同埋北海道牛乳混合而成，唔会太甜，我自己几钟意🥰而奇幻历险就相对清新啲，系奇异果+豆奶同埋忌廉梳打，食饱饮返啖冇咁滞👏🏻
.
整体嚟讲呢度嘅食物除咗靓之外，仲好高质，而且环境好阔落，坐得好舒服，店员仲会好细心留意我哋嘅需要🥰下次再嚟会想试埋其他汤底啊
张贴
