甜品工房 (已結業)

我的第一个的食评要奉献比甜品工房喇！ｎ年前听住系红磡的朋友介绍有间几有特色的刨冰，果时唔系咁多甜品店有刨冰食，佢地的刨冰好大好大，卖相真系好靓好靓，仲有好多新鲜生果，睇得出真系好有心机呢！到我读大学，宿舍就系附近，成日同同学仔赶功课挨通宵前就黎食刨冰差差电，虽然间铺太细，成日都要坐出面，不过我地好钟意斗征服成个刨冰，由流住汗食刨冰到食到打冷震真系好满足。２位老板都认得我地，仲一有新产品都比我地试添！而家由于屋企同工作地点都唔就脚，已经好耐冇去。但系上个月情人节果日，返工途中系地铁拎左份头条日报，竟然比我系饮食果版见占左差唔多成个版面的甜品工房宣传广告，而且系大埔太和果边都开左一间！三八一班妇女踩完单车后，我地去左大埔呢间食糖水。呢度比红磡大好多，不过都迫迫地好多人，仲有电视睇，我见到menu多左好多新甜品，刨冰名称一如以往的充满甜蜜浪漫的感觉，有士多啤利刨冰「赤之恋人」，芒果乳酸刨冰「芒之恋曲」，劲多生果，超大份超靓，出面ｄ刨冰永远都冇呢度咁靓同埋真材实料，真系好好味！！！估到冇但都多口问下有冇「榴梿忘返」，呢个夏季限定而且唔系常有的「榴梿忘返」简直系 "镇店之宝”！以前夏天系红磡食过