影片
更多
2020-01-27
353 浏览
依晚系我期待已久嘅omakase夜🌃，无几耐之前先至第一次踏足湾仔日月星街嘅小社区，上次经过我已经发现鮨月呢间日本料理，单望见个「鮨」字，我就估计系有得食omakase，上网一睇就知道我嘅推断无错😝，见到好似几正咁㖞，而且夜晚食都系$980(+10%)一位，厨师发办以言唔算太贵，就即刻book咗位。我邀约咗个至爱食日本嘢嘅港女friend(讲笑XD)陪我食，我哋七点半钟准时去到，餐厅店员安排咗我哋坐喺bar枱位置，仲好好咁畀咗个篮我哋放袋😊。每一位店员全程都好友善，不断帮我哋换碟同斟茶，又同我哋倾偈，其中短发女店员仲好鬼幽默。由于系厨师发办👨🏼🍳，我哋唔使睇餐牌之余，仲带有一份神秘感，永远唔知下一样会食啲乜，有乜食哈哈。餐具嘅🐼熊猫筷子座同🦉猫头鹰牙签筒好可爱。Omakase开始喇！真鲷刺身配上黄柚子盐，鲜味无比，富有口感，薄薄一片显得非常晶凝通透✨。至于海胆豆腐配上北海道海胆，师傅建议我哋用匙羹舀嚟食，呢个海胆双重奏嘅组合又系令人津津乐道，海胆好甜😚。北海道厚岸蚝，超大只！利申我本身一般生蚝，但师傅落左🍋柠檬汁辟腥，夹埋海葡萄一齐食都几好味。粒贝刺身🐚，师傅话已经落咗啲岩盐吊味，不
我邀约咗个至爱食日本嘢嘅港女friend(讲笑XD)陪我食，我哋七点半钟准时去到，餐厅店员安排咗我哋坐喺bar枱位置，仲好好咁畀咗个篮我哋放袋😊。每一位店员全程都好友善，不断帮我哋换碟同斟茶，又同我哋倾偈，其中短发女店员仲好鬼幽默。
由于系厨师发办👨🏼🍳，我哋唔使睇餐牌之余，仲带有一份神秘感，永远唔知下一样会食啲乜，有乜食哈哈。
餐具嘅🐼熊猫筷子座同🦉猫头鹰牙签筒好可爱。
Omakase开始喇！真鲷刺身配上黄柚子盐，鲜味无比，富有口感，薄薄一片显得非常晶凝通透✨。至于海胆豆腐配上北海道海胆，师傅建议我哋用匙羹舀嚟食，呢个海胆双重奏嘅组合又系令人津津乐道，海胆好甜😚。
北海道厚岸蚝，超大只！利申我本身一般生蚝，但师傅落左🍋柠檬汁辟腥，夹埋海葡萄一齐食都几好味。
粒贝刺身🐚，师傅话已经落咗啲岩盐吊味，不过亦可以点wasabi食，我就钟意后者，正。粒贝口感非常爽口。题外话，佢提我哋唔好将wasabi加落豉油度。
酱油渍炙烧中拖罗，呢个系我最钟意食嘅一道菜之一😋。首先我系炙烧控，凡系灸烧过嘅刺身我都觉得特别好食。第二系佢个组合好正，吞拿鱼配埋赤大根一齐食，上面仲有啲紫苏叶同芝麻👍。不过我估唔到呢个系冻食嚟。
食寿司前，师传为我哋送上冰头渍(google完先知点写😂)，即系三文鱼头/咀嘅软骨，用甘草腌酸酸哋，几开胃，而口感就似海蜇。另外，我仲吔多几块姜。师傅介绍🍣寿司有五款，会根据味道由淡到浓咁上，而每一件上嘅时候已经加咗酱油，唔使再点。
鲈鱼寿司，上面系酒浸嘅甘菊，鱼肉非常烟韧，味道清甜完全唔腥😌。
鲂𫚒寿司，恕我孤陋寡闻，但我真系未听过呢只鱼🙈。不过又几好食，而且依件嘅辣味比较重，用上胡椒所以麻麻哋(麻辣个麻)，再搭上柚子中和一下。
皮剥寿司，估唔到🐟皮剥鱼嘅口感几爽。而上面嘅膏状，系由鱼肝磨碎咗再整返成的，成嚿一齐食，整体好夹。
赤虾寿司，师傅介绍呢种🦐虾口感比较爽，但味道就淡啲。不过我觉得虾嘅味道一啲都唔淡，相反非常浓郁，而且虾上面仲有松叶蟹膏面豉同海葡萄。成个味道好丰富，我个人认为系五件寿司入面最好食𠮶种。
鹿儿岛a4和牛寿司，🐮烧咗嘅牛筋配埋系咁二烫过下嘅和牛，入口即溶。不过wasabi抢左少少味，扣咗少少分。
KO寿司后，就系汁煮螺🐚，都有几多粒下，而且每粒都大大粒，而个汁甜甜地，唔错。不过懒懒嘅我突然要自己用手撩啲螺肉出嚟，有啲唔惯，哈哈🤣。
汁烧太刀鱼，以🍢串烧造型咁上。刚刚烧出嚟，所以够晒热，做到皮脆肉滑；鱼皮轻轻涂上酱汁，唔会抢咗鱼肉嘅鲜味。
炒鲍鱼，依个好好味呀，主要系个汁浓而不腻，应该系牛油乘酱油咁炒吧。再者，就系切粒鲍鱼完全唔韧，呢样真系好难做到，我成日食完鲍鱼都会觉得难消化，但呢个唔系👍。
到咗天妇罗系列，有三样。首先系虾🍤，好食但无乜惊艳嘅感觉。而明太子酿青椒就几正，因为我本身钟意食明太子✌🏻。最后就系鳕鱼白子，第一次食唔知乜嚟，口感粉粉哋，虽然无乜奇怪味，但我大约估到系乜。而师傅问完我哋之后就开估，答案系鳕鱼嘅精囊😂😂😂，长知识了。
蟹肉茶渍饭，依样系last一样咸食，份量都唔少，食埋真系饱哂。呢个汤几香，入面有唔少樱花虾同真蟹籽蟹肉，无偷工减料。但个饭🍚真系要趁热食，冻咗争好远。
最后甜品就系柚子雪芭🍊， 雪芭个味本身唔错，但配上红豆成件事真系错哂🙊，一啲都唔夹，好似食pizza点豉油咁哈哈。老实讲，士多啤梨🍓同柚子都唔多match。
话虽如此，我唔会觉得因为个甜品而令到呢餐变得美中不足，因为成晚厨师发办嘅菜都令我好满意，无论系刺身、寿司或者熟食，都真心好正。$1,000就咁听落唔平，但omakase有上述咁好嘅质素真系变得物有所值😉，又唔系日日食，间唔时食一次真系好开心好满足嘅。
环境方面，装修不乏日式嘅味道🏮，不过啱啱去到𠮶阵个冷气好似唔系好够，有少少热，但后尾正常返。另外，餐厅仲有啲outdoor seat，好chill咁。题外话，餐厅keep住播咗好多我熟悉嘅广东歌，成个气氛变得好亲切好casual😊。
总括嚟讲，呢一餐系令人大满足嘅厨师发办盛宴，真不枉我期待咗咁耐，💯一百分推介！
张贴
