詠藜園四川菜館 (已搬遷) 新店位置

之前去过裕民千岁，𠮶边走中上档路线，而呢间位置相对吊脚，就走传统川菜馆风味，装修古色古香。睇餐牌，印象中两者价钱相若。先嚟碟「话梅凉瓜」。凉瓜浸咗咁耐话梅汁，确实冇餐牌张相仲可以咁翠绿，苦瓜啲白衣清得够干净，所以冇苦只剩甘味，加上渗透哂话梅汁，好食程度系想返家依样画葫芦煮番味。「改良担担面」同冇改良个分别比较明显系多咗肉松（本质系肉碎，不过佢口感模样都够松化），面底俾汤底浸润住依然爽滑。「红油抄手」始终掂唔到我心目中抄手嘅汁底，唔够蒜，欠点甜。「云白肉」片身比较厚，同样唔够蒜，反而猪肉肉味够浓又弥补番。餐牌无可否认选择真系够哂丰富，会有兴趣日后试埋晚市。