影片
更多
2022-02-14
231 浏览
第一次听到朋友讲起「多贺野」呢个名，熟悉但又记唔起。上网一睇，马上恍然大悟。皆因几年前游东京前，上网做资料搜集用于计划行程，曾经见过其名，系当地属于一间名气响嘅拉面店。而之所以名气响，全因为佢获奖无数，其中包括连续四年获得东京米芝莲推介，Tabelog全日本拉面大奖等。骤耳一听，的确系一条来头不小嘅过江龙。根据店家官方资料介绍，佢哋嘅卖点系坚持每日新鲜制造面条，当中更用咗4款日本面粉去制作面团，制作面条嘅员工亦会根据当日嘅温度同湿度去调整水份，绝对唔会使用任何添加剂，所以面条嘅口感唔会过韧之余，亦有淡淡麦香。今次去嘅沙田店，系继K11 Musea后，多贺野在港嘅第二间分店。位置于新城市广场地下，其旧址为「豚王拉面」。该区域属于广场里面人流极旺嘅位置，所以从刚开业至今，仍然见到好多人排队。所以今次亦拣平日下午时份到访，唔需要排队就可以入到去。店内装修以木系为主调，空间感大，灯光柔和，布质嘅櫈坐落舒适，全店感觉有和风特色之余亦带优雅。店内厨房属于开放式设计，如坐吧枱位置则可以观赏师傅烹调过程。本来我哋被安排较入嘅二人座位，但由于我哋点嘅食物较多，所以店员亦非常热心为我哋换咗一个较大嘅卡位位
今次去嘅沙田店，系继K11 Musea后，多贺野在港嘅第二间分店。位置于新城市广场地下，其旧址为「豚王拉面」。该区域属于广场里面人流极旺嘅位置，所以从刚开业至今，仍然见到好多人排队。所以今次亦拣平日下午时份到访，唔需要排队就可以入到去。
店内装修以木系为主调，空间感大，灯光柔和，布质嘅櫈坐落舒适，全店感觉有和风特色之余亦带优雅。店内厨房属于开放式设计，如坐吧枱位置则可以观赏师傅烹调过程。本来我哋被安排较入嘅二人座位，但由于我哋点嘅食物较多，所以店员亦非常热心为我哋换咗一个较大嘅卡位位置。
当日我哋分别叫咗两款拉面，三款小食。餐牌上选择唔小，除咗佢哋嘅招牌拉面，沾面外，亦有几款唔同嘅饭品，一品料理等。价钱定位方面比较进取，所以相当期待有一定程度嘅美味。
🔸极上蟹皇沾面($188)：
呢款沾面系皇牌推介，睇落颇为吸引。一上枱感觉非常丰富，卖相吸引，份量亦足。盘上有全只炸软壳蟹，面条放于木制筲箕里，旁边有蟹膏同埋少许蟹肉做伴碟，深黄带橙色嘅沾面汁睇落非常浓郁，一舀起，香气即扑鼻而来，入口一试，同眼见一样，汤汁非常浓厚，除有鲜甜嘅蟹黄味之外，鱼汤味道亦非常丰腴，每舀一口，份量唔小嘅蟹肉碎令到全个汤汁食落更有嚼劲，层次感十足。软壳蟹亦绝不欺场，炸得外脆内软，而且带少许咸香；
极上蟹皇沾面
$188
25 浏览
0 赞好
0 留言
极上蟹皇沾面
$188
20 浏览
0 赞好
0 留言
面条用咗带有小麦粒嘅粗面，质地烟韧又弹牙，放入汤汁里完全吸收哂汤汁，连同旁边嘅蟹膏同蟹肉碎一齐食，绝对有齿颊留香之感，食完后竟丝毫无觉得腬嘅感觉，实在高分。
极上蟹皇沾面
$188
14 浏览
0 赞好
0 留言
极上蟹皇沾面
$188
20 浏览
0 赞好
0 留言
🔸香葱山椒叉烧拉面($138)：
呢个拉面特别之处在于香辛味道系店家独门比例调制，虽然系一碗叉烧拉面，但调味上面落咗唔小功夫。碗上有大量香葱，花山椒，胡椒同埋唐辛子，汤底辣度厉害，一入口会有少许涸喉，但愈食愈惹味。两片叉烧肉质嫩滑，面条选用幼身面，口感弹牙，嚼辣嘅朋友必定会喜欢。
香葱山椒叉烧拉面
$138
20 浏览
0 赞好
0 留言
🔸日式炸豆腐($48)：
呢份炸豆腐令我非常难忘，回味无穷。其一碟有四小砖，我个人忍唔住食咗三砖。炸衣非常透薄，上面有小许柴鱼片同埋萝卜蓉，上枱时香口又热呼呼，连同下面嘅铿鱼汁一齐食，一冷一热，口感一流，必试。
日式炸豆腐
$48
6 浏览
0 赞好
0 留言
🔸自家制吉列和牛芝士丸($72)：
一客有三粒，每粒大小亦适中，外层呈金黄色而且炸至恰到好处，香脆无比之余亦毫无油腻感。
自家制吉列和牛芝士丸
$72
5 浏览
0 赞好
0 留言
里面嘅和牛肉味香浓有层次感，带浓厚油脂香，加埋已经半溶化嘅芝士，非常有惊喜。
自家制吉列和牛芝士丸
$72
13 浏览
0 赞好
0 留言
🔸自家制原味炸鸡($52)：
同样一客有三件，外皮炸得香口酥脆，鸡肉肉质亦相当软嫩，咬落肉汁瞬间于口里面爆发。惟味道方面有少少稍为偏淡，如果点埋旁边酸酸甜甜嘅麻酱酱汁，味道就刚好。
自家制原味炸鸡
$52
6 浏览
0 赞好
0 留言
近年来，好多间「过江龙」拉面店进驻香港，唔少亦被评为嚟到香港，价钱贵几倍，不值一试。个人觉得虽然好多间都定价偏高，但随住香港租金偏贵，而且过江龙食店嘅食材均由日本直送到港，运费成本等亦需要作出调整，所以比起本店贵几倍亦无可厚非，只系在于享用食物者觉得值得与否。睇过网上评论，多贺野同样曾经被指为较普通，定价又偏贵等。K11 Musea分店个人未曾试过，但佢哋今次于沙田再下一城，就令我一试惊喜。无论从用餐体验，环境，员工服务态度，抑或食物品质等都令人感觉高分及绝对值得再访，嚟紧必定会再回头试其他口味嘅面款。
张贴
