Pokka Cafe (已結業)

与友人外出聚会，有人提议食呢间，见唔驶等好耐位就试下啦！呢款凯萨沙律材料好丰富，除左原有的爽脆沙律菜，脆口的烟肉粒及多士粒外, 仲有大虾同鸡肉，软滑牛油果粒，捞匀一齐食，口感超丰富！呢款香煎三文鱼扒，厚切三文鱼扒煎得几香口，食落充满鱼油口感，同人分享会好d，唧少少柠檬汁会减少肥油感！再叫左呢样韩式石锅芝士鸡肉饭，趁热将所有材料捞匀，芝士熔入饭粒中，泡菜嘅辣味同鸡肉好夹，热辣辣一口饭好滋味！甜品系呢个提拉米苏多士粒，每粒成一个方块，囗感似食紧西多士，伴以雪糕一齐放入口，甜美满足感爆灯！顺带一提呢度侍应态度服务唔错，就算中间上菜时有少少出错，都好快有跟进！