元気寿司 (屯門市廣場1期)

营业中

休息中

平日六点想食寿司。本想食寿司郎但六点已经冇得攞飞啦。为有去附近元气。去到完全唔洗等位。同寿司郎好大对比！都已经知道唔会太好㗎啦。如果唔系，点会冇人食。好耐冇去元气。发现佢同寿司郎一样有啲期间限定。叫咗几款。真心冇咩特别之余仲同图片差好远。鱼生片好干。如果系炙烧嘅寿司，仲会全熟之余同好干。好似早几个钟已经煮熟咗，然之后风干左咁。觉得最好味已经系佢嘅牛油虾寿司，但其实都冇咩特别。啲寿司嚟到嘅时候甩甩流流，就快散咁。我明白到点解啲人宁愿排队食寿司郎都唔嚟元气食。味道一般，卖相唔使讲，但系价钱差唔多。正常人都会去食寿司郎。玉子寿司都系好干好硬。就好似平时你喺超级市场买到一尊冰咗嘅玉子，就咁解冻就咁食嘅质地。觉得食完呢一餐浪费咗自己卡路里嘅quota。