雲魅 (已結業)

平时好钟意食麻辣米线，差唔多每星期都会食。但汤底另上嘅正宗过桥米线真系第一次食。平日午市套餐只系$78，包括过桥米线、小食同饮品。过桥米线有两款肉类同两款汤底拣。汤底就只有云魅特色汤同蕃茄汤拣，无辣嘅选择。而肉类可以拣肥牛或者猪腩片。落完单唔使一分钟就上咗冻柚子蜜，小食同埋米线配料，好有效率。而放喺砂锅嘅汤底等咗几分钟就上枱。过桥米线嘅𩠌菜配料分为小碟放喺盘上面，望落好丰富，卖相好靓。用砂锅上嘅汤底非常热，一放上枱时仲滚紧。衬住汤仲热就将配料，肥牛同米线放入砂锅。本身已煮至半熟嘅肥牛放入热汤后，变成九成熟。肥牛同蕃茄汤好夹，食落唔会韧。蕃茄汤底睇个颜色都知浓郁，系好真嘅蕃茄味米线食落够滑唔会过腍，但份量少咗啲。午市套餐包埋嘅小食，拣咗手撕鸡手撕鸡面头有芫茜碎同辣椒粒，食落好香椒麻味，微辣，几好味虽然食米线嚟讲呢个价钱有少少贵，但胜在卖相靓，而且包埋一个小食同大大杯冻饮。如果想食到正宗云南过桥米线不妨一试。